ممثل مصري يُحدث ضجة بما قاله: "ولادي ماتوا ومش فاضل غير واحد"

نشر الممثل المصري حمادة صميدة على حسابه الخاص في "إنستغرام"، شكوى جديدة يكشف فيها تعرضه المستمر للتنمّر، حيث حكى مواقف مؤثرة تعرض لها في حياته من ضمنها فقدان نجليه... وكتب قائلاً: "أنا مريت بوجع وبظروف صعبة كتير بس أكتر لحظة وقف فيها قلبي ونزلت فيها دموعي لما ماتوا ولادي حمزه وياسين أول فرحة ليا في سن خمس شهور حسيت ساعتها أنا ومراتي إن دي النهاية خلاص والدنيا اسودت في وشي ووجع ربنا ما يكتبه لحد".

وأضاف: "لكن رحمة ربنا إنه يرزقني بابني فارس اللي ماليش غيره في الدنيا وهو أغلى حاجة عندي وممكن أضحي بعمري عشانه، فكفايا تنمر كفايا سخرية كفايا شتيمة سيبوني أفرح بحاجة بحبها ابني وشغلي دول حلم حياتي لأن دول اللي فاضلين ليا في دنيتي بقى أبوس إيديكم ارحموني لما تشوفوني بنزل صورة لابني فارس اللي فرحان بيه وطلعت بيه من الدنيا أنا ماليش في الدنيا غيره أنتم ما تعرفوش أنا جوايا إيه وظروفي إيه ومريت بأيام شكلها عامل ازاي، أنا عارف إن حمزة وياسين في الجنة وأنا مشتاق للجنة علشان أشوفهم".

View this post on Instagram

انا مريت بوجع و بظروف صعبه كتير بس اكتر لحظه وقف فيها قلبي ونزلت فيها دموعي لما ماتو ولادي حمزه وياسين اول فرحه ليا في سن خمس شهور حسيت ساعتها انا ومراتي ان دي النهايه خلاص والدنيا اسودت في وشي وواجع ربنا ما يكتبه لحد لكن رحمه ربنا انه يرزقني بإبني فارس اللي ماليش غيره في الدنيا وهو اغلي حاجه عندي وممكن اضحي بعمري علشانه فكفايا تنمر كفايا سخريه كفايا شتيمه سبواني افرح ب حاجه بحبه ابني وشغلي دول حلم حياتي لأن دول اللي فاضلين ليا ف دنياتي بقي ابوس اديكم ارحمواني لما تشوفوني بنزل صوره لابني فارس اللي فرحان بيه وطلعت بيه من الدنيا انا ماليش في الدنيا غيره انتو متعرفوش انا جوايا ايه وظروفي ايه ومريت بأيام شكلها عامل ازاي انا عارف ان حمزه وياسين في الجنه وانا مشتاق للجنه علشان اشوفهم

A post shared by Hamada semeda حمادةصميدة (@hamadasmida) on Sep 27, 2020 at 6:54am PDT

وكان صميدة قد كتب عبر حسابه في "فيسبوك": "أنا مش كاتب البوست ده عشان الناس تتعاطف معايا أو أصعب عليهم أول حاجة بقولها من قلبي ووجعني قوي التنمر بشوف ناس بتتنمر عليا على أن أنا اللي خلق شكلي ده خلقه ربنا وأنا فخور بشكلي ولما آجي اتكلم مع حد بيتجهلني اقسم بالله أنا انسان وبشر وبحس وتعبان نفسيا من اللي بشوفه انا عارف اني مش قمر ولا وسيم ولا شكلي بس بلاش تكسرني وتوجعني".