لا تزال الفنانة ​سيرين عبد النور​ تواجه بعض الانتقادات السلبية حول مسلسل "دانتيل" الذي يُعرض حالياً على "شاهد"، الأمر الذي يُجبرها على الردّ على بعض التعليقات القاسية التي تصلها عبر مواقع التواصل الاجتماعي.

وبعد الضجة التي أثارتها بردّها الجريء على إحدى متابعاتها، وجّهت رسالة الى الأشخاص السلبيين والمنتقدين الذين يسعون للأذى عبر "تويتر" قائلةً: "ما بحب الأذى ولا بحب النكايات ولا بحب حدا يحبني نكاية بحداا ولا بحب حداا يكرهني كرمال حدأا". وأضافت: "بآمن انه الكلمة الحلوة دواء رغم انو الحالة بتكون مستعصية. وعندي حلم انو الارض ويللي فيها يصيروا متل السماء ويللي فيها!!! شو بتقولو ممكن؟".

ما بحب الأذى ولا بحب النكيات ولا بحب حداً يحبني نكاية بحداً ولا بحب حداً يكرهني كرمال حدأً ... بآمن انو الكلمة الحلوة دواء رغم انو الحالة بتكون مستعصية وعندي حلم انو الارض ويللي فيها يصيرو متل السماء ويللي فيها!!!
شو بتقولو ممكن ؟ pic.twitter.com/GXp413jaCX

— Cyrine Abdelnour (@CyrineAbdlNour) September 28, 2020

وجاءت رسالة سيرين بعد سجالٍ حاد دار بينها وبين إحدى متابعاتها عبر تطبيق "إنستغرام" التي انتقدت مسلسل "دانتيل"، واعتبرت أنه "عمل ركيك وضعيف والحوارات سيئة ومملة ما بدنا نضل نرقع بلكي بالمستقبل هالنجوم اللي منحبهم يفكروا قبل ما يوافقوا على أي نص"... فردّت سيرين عليها بالقول: "ما تحضري". فعادت الشابة لتردّ: "لا بدي احضر، وبدي انتقد كمان ع كيفي، وما بدك تعرفي رأيي فيكي تعملي بلوك، أو ما تقرأي كل كلمة منحكيها لما ينهز بدنك"، فسارعت سيرين للردّ عليها مجدداً وكتبت: "أولا تهذبي انت وعم تحكي معي، وما ينهز بدنك إنت ما في شي بيستاهل، ثانيا ما تاركي بوست لدانتيل ما حاكييه تحته نفس الحكي إنو إنت الفهمانة أكتر من المنتج والمخرج والممثلين والجمهور والتلفزيونات ما بيعجبك العجب".

وأضافت: "حكيت انا وإنت برايفت مطولا وفسرتلك بوعيّ وتهذيب وبعدك مصرة تتفلسفي، خلصينا منك، ببساطة وقفي تحضري"، الامر الذي أحدث ضجة كبيرة بين المتابعين وانقسمت التعليقات كالعادة بين من وافق على كلام سيرين وأثنوا عليه، ومن انتقدها لكونه مجرد رأي ويجب أخذه في الاعتبار واحترامه.