مخرجة شهيرة تتهم نجوم مسلسلها بالغرور.. ومصطفى درويش يرد

بعد الهجوم الضاري الذي شنته المخرجة كاملة أبو ذكري على بعض ممثلي مسلسلها "بـ١٠٠ وش" علق الفنان مصطفى درويش، على منشورها الذي هاجمتهم فيه.

وقال من خلال حسابه الرسمي على "فيسبوك": "غرور ليه إحنا مين أصلا إحنا فعلا لسة الناس بتندهنا باسم الشخصية نفوق كده ونركز اللي عملنا هما الناس فبلاش نخسرهم .. والله والله أنا ما عارف الاستاذه كاملة بتتكلم عن مين بالظبط بس لو كنت أنا منهم ومعتقدش ده خالص فأنا آسف جداً".

وكانت المخرجة كاملة أبو ذكري، قد قالت في منشورها: "عرفت وًسمعت وإتأكدت إن بعض الممثلين المبتدئين من مسلسل بميت وش بعد النجاح الفظيع المريع لمسلسل بميت وش شافوا نفسهم والغرور سيطر على تصرفاتهم".

وتابعت: "عايزة أقولكم خسارة الغرور مقبرة الفنان زي ما قلنا يوسف شاهين.. ده إنتم لسة الناس ما تعرفش أساميكم الحقيقية وبتشاور عليكم باسم الشخصية إلي قدمتوها".

واختتمت حديثها: "الغرور ممكن يقتلكم وغرور ليه إنتم مين أصلاً كلنا مين أصلاً.. دكتور مجدي يعقوب متواضع ولما تتكلم معاه بيحط راسه في الأرض.. مجدي يعقوب بجلالة قدره .. وربنا يهدي".