عمر كمال: "لم أقصد رمي الشهادات والتوجه للغناء"

بعد الهجوم العنيف الذي تعرّض له مطرب المهرجانات عمر كمال عقب تصريحاته المثيرة للجدل حول جوائزه و"رَكْن الشهادات" في حال انعدام الوظائف، نشر عمر عبر حسابه في "فيسبوك"، صورة التُقطت له حين كان يعمل في محطة للمحروقات في بداية حياته المهنية، وعلّق عليها كاتباً: "فيه رقم محطوط للحجوزات ع الصفحة عشان الشغل والأفراح والحفلات.. من أكتر المكالمات اللي بتيجي عاوزين شغل ومفيش شغل عندكم عشان إحنا محتاجين شغل، حاجة بتحسسني بالحزن جداً لأنهم شباب في سني.. فبحب بين كل فترة والتانية أكتب بوست للناس فيه تشجيع وحافظ إن خلي جواك إيمان بنفسك وأمل في ربنا وإن كل حاجة هتتعدل".

وتابع: "أنا شاب أخدت دبلوم صنايع وكملت دراسة مزيكا في معهد موسيقي العربية.. ولما طلعت ملقتش فرصة أغني في الطرق العادية زي قصور الثقافة والأوبرا وكده، فقررت أعتمد على نفسي وأشتغل كل حاجة وحرفياً شمرت واشتغلت ومشيت في كل الطرق اللي توصلني لهدفي".

وأضاف: "كتبت بوست من المنطلق ده اللي هوا شيل شهادتك على جمب لو مشتغلتش بيها وانزل وشمر وهات حلمك وهدفك وحققه وحطيت صورة لتكريمات وجوايز نتيجة لنجاحي في مجالي وطبعا قصدي إن كل واحد في مجاله يجتهد مش يسيب شهادته ويروح يغني أكيد.. ايه الغلط في كده يا جماعة؟!".

وكان عمر كمال قد أحيا حفل زفاف الفنانة هنادي مهنى والفنان أحمد خالد صالح، برفقة حسن شاكوش وحمو بيكا، ورقص العروسان على أنغام أغاني المهرجانات، في حفل شهد حضور الكثير من نجوم الفن في مصر.