الرد الأول من عبلة كامل على خبر إصابتها بالسرطان

عاتبت الفنانة الكبيرة عبلة كامل مروّجي الشائعات حول صحتها، من خلال رسالة بعثت بها الى الكاتب بلال فضل، والذي نشرها على حسابه الخاص في "فيسبوك" وجاء فيها: "عيب، والله العظيم عيب، لو الناس مش هتتقي ربنا وتخاف منه في وقت زي ده هتتقيه وتخاف منه إمتى؟ وإيه اللي هيستفيده إنسان من إنه يقلق حياة الناس بكلام كذب، بيدعي إنه بينشره لإنه محب أو معجب، أنا اخترت نمط حياة سعيدة بيه وراضية عنه، وما عنديش أي حسابات على السوشيال ميديا ولا هيبقى عندي في أي يوم من الأيام، ولا باتابع السوشيال ميديا ولا بانشر عليها أي شيء من أي نوع ولا مهتمة بده".

وأضافت: "أتمنى اللي يشوف حساب منسوب ليا يساهم في قفله باللي يقدر عليه والحساب اللي عاملاه واحدة بتدعي إنها بنتي مالوش أي علاقة ببناتي فاطمة وزينب، وكل اللي بيتنشر فيه كذب، والكلام اللي اتنشر في هذا الحساب عن إني مش فخورة بفني وبشغلي كله كذب وافترا، والحمد لله أنا في أحسن صحة وعافية".

واختتمت عبلة كامل بالقول: "باشكر الناس الطيبين كلهم على محبتهم وتقديرهم اللي أنا ممتنة ليها وباحمد ربنا عليها، وربنا يتقبل دعواتكم الجميلة ليا ويخلي لكم حبايبكم".

مقالات ذات صلة

عمر مصطفى متولي بتعليق أول على وفاة والدته والنجوم يتفاعلون

أناقة اللون الأسود تجمع رحمة رياض وبلقيس فتحي في إطلالات لافتة

عبلة كامل مرض السرطان نجوم الفن