بالفيديو - حمو بيكا لهاني مهنا: "هنقف كلنا يوم القيامة من غير مناصب"

رد مطرب المهرجانات حمو بيكا على تصريحات الموسيقار هاني مهنا، بعدما حضر إلى زفاف ابنته، إذ يرى أنه شخص مجرم ومنحرف ولا يراه شخص محترم.

وفي مداخلة هاتفية مع الإعلامية لميس الحديدي في برنامجها "كلمة أخيرة" على قناة "ON" قال بيكا: "المفروض إننا ما نشوفش بعض كده، إحنا عايشين في بلد واحدة اسمها مصر فمينفعش حد يقول أنا راقي وأنت تحت، ليه بقى مينفعش؟ عشان يوم القيامة كلنا هنبقى واقفين مستنيين دورنا مفيش أنا غني وفقير مفيش أنا قدام وأنت ورا لا كله مفيش مناصب".

وأوضح حمو بيكا أن هاني مهنا معترض على شخصه وليس نوع الغناء الذي يقدمه بدليل أنه صرح أنه غير معترض على وجود عمر كمال وأن مشكلته مع حمو بيكا، لافتًا إلى أن الفنانة هنادي مهنا قدمت اعتذارًا وأرسلت له دعوة خاصة للحضور.

وتابع بيكا: "أنا كتر الهجوم عليا جاب لي حالة نفسية، بقيت أقف قدام المراية أقول هو أنا فيا حاجة غلط ولا بلطجي ولا الناس شايفاني كده ليه؟ بقيت أمشي أكلم نفسي، الناس في الشارع بيحبوني ويقعدوا معايا يقولولي أنت طيب وفي ناحية تانية بيقولوا إني وحش طب أنا إيه".