أطلقت النجمة داليدا خليل "تيزر" عبر حساباتها الرسمية على شبكات التواصل الاجتماعي، كليب أغنيتها الجديدة بعنوان "شيك آوي"، معلنةً انها على وشك طرحه، بقولها: "ترقبوا شيك أوي قريباً".

وأطلت الفنانة اللبنانية ​في اللقطات الترويجية بجرأة، بفستان اسود قصير من الدانتيل ومكشوف الظهر. يُذكر أن "شيك آوي" اغنية مصرية من ألحان محمد يحيى، بينما الكليب من إخراج بيار خضرا وإشراف ريشا سركيس.

وكانت داليدا خليل أخفت إصابتها بفيروس كورونا المستجد قبل أن تعلن شفاءها منه في فيديو نشرته على حسابها الخاص في تطبيق الصور والفيديوهات "إنستغرام" خلال توجيهها رسالة الى العاصمة اللبنانية بيروت بعد الإنفجار الذي نكبها في الرابع من اب (اغسطس) الماضي.

وقالت: "بيروت. كيفك؟ خبريني عن كوابيسك، خبريني عن أشباح الليل اللي عتّموا إيامك، وعن يللي سرقوا الضحكة ويتّموا أحلامك، من يوم اللي دمروكِ، وأنا عم موت مية موتي عليكِ وعا حلاكِ. أنا عم موت، زرعوا حقدن وبإهمالن فجروكِ ومش عم بعرف شو اعمّلك وداويكي من اللي اذيوكِ". 

وأضافت: "وبهاليوم الأسود كان المرض الساكن فيي، مانعني افتح ايديي لأقرب شخص عا قلبي وأقرب من روحي عليي، مانعني داويلو جروحو، إمنع اللي راحوا يروحوا واختي اللي مرميّة عالأرض تصرخلي وأوصلاّ ما فيي".

وتابعت: "نشّفوا دموعي وانكسر قلبي وأنا محجورة بغرفة وعم موت مرتعبي. شو اللي وصلّنا لهون قولوا شو الخبرية. قولولي مين بدنا نحاسب والحقيقة مخفية. كلّو بستّر ع كلّو. لو كلّن عنا بحلّو. ما هني يللي قتلونا. وأصلاً هني البلا كلّو".

واختتمت بالقول: "خبريني يا بيروت؟ كم مرة بدنا نموت وعم بقولوا يللي راحوا انكتبلن عمر جديد. قوليلي احكيلي. هيدا الحكي مزبوط؟ ومعقولي هني يللي عاشو ونحنا ونحنا اللي عم منموت؟".