انتقادات كثيرة وجهت للفنانة رانيا منصور، بسبب اعتراضها على طلب بعض المتابعين من جمهورها، أن تقبل إضافتهم على حسابها على "فيسبوك"، موضحة أنه لابد من احترام الخصوصية، خاصة أنه يوجد سابق معرفة بينها وبينهم.

وكتبت رانيا: "أنا نفسي أعرف هما الناس بتوع ممكن يا فنانة تقبلي الأدد دول بيفكروا في إيه!! أقبل الادد ليه أنا معرفكش ولا أنت قريبي ولا صاحبي ولا زمايل في الشغل ولا معرفة حتى أخليك في الفريندز عندي بتاع ايه؟؟؟ علشان تتابعني مثلاً طيب ما أنت بتابعني إيه تاني بقى؟ لو سمحتوا احترموا خصوصيات الناس".

وبعد الانتقادات واتهامها بالغرور، وأن ما يطلبه الجمهور هو بدافع المحبة فقط كونها فنانة معروفة، ردت رانيا كاتبة: "يعنى أنا كتبت بوست بطلب فيه الناس تحترم الخصوصية مخلصتش.. أنتي فاكرة نفسك مين وأنتي مش فاتن حمامة ولا منى زكي علشان تتكلمي بالطريقة دي أنتي متكبرة ووجهة نظرك متتقلش أنتي لسه في بداية طريقك.. طب ما اتدفن بالحيا أحسن ونخلص بقى وكمية شتايم مش لاحقة أرد أصلا ومش حرد بقى بصراحة".

تابعت: "يعني أنا أطلب خصوصية عيب لكن هما يشتموا عادي جدا صح!! هو إيه اللي حصل للناس في إيه على فكرة كل الناس اللي يعرفوني كويس عارفين إني لا متكبرة ولا مغرورة ولا أي حاجة من دي بالعكس.. بس أنا حرة أعبر عن رأيي أقبل إيه ومقبلش إيه واللي مش عاجبه ما يتابعنيش وشكراً".

من ناحية أخرى، يعرض لرانيا منصور حالياً مسلسل "أسود فاتح" من بطولة هيفاء وهبي ومعتصم النهار وأحمد فهمي وشريف سلامة وروجينا.