بعد اتهامها بإهانته... شيماء سيف توضح ما قالته عن أزمة تامر حسني وزوجته

ردّت الفنانة شيماء سيف على انتقادات الجمهور بعد سخريتها من أزمة الفنان تامر حسني وزوجته بسمة بوسيل، بسبب أحد منشوراتها على حسابها الخاص في "إنستغرام"، وأوضحت أن الأمر ليس فيه أي تجريح، بل هي تحب تامر كثيراً، وتشيد بتصرفه مع زوجته، حيث كتبت: "ده مش تجريح خالص بالعكس أنا بحب تامر جداً وعجبتني جداً رومانسية رد فعله فقصدي بالبوست إني عشان يتقالي بحبك يا متهورة أقول لجوزي طلقني بس كده.. وليكم مني كل الحب".

وكانت شيماء قد نشرت صورة كوميك شهير للفنانة فيفي عبده عبر حسابها في "إنستغرام"، وعلّقت كاتبة: "قومي يا بت سيبي له البيت واطلبي الطلاق عشان يقولك بحبك يا متهورة".

وجاء ذلك كرد فعل على الرسالة التي أرسلها تامر حسني الى زوجته بسمة بوسيل معاتباً إياها على إعلانها انفصالها عنه وأنهما في صدد التحضير لأوراق الطلاق. وقال تامر في رسالته: "بسمة حببتي للأسف إنتي مفكرتيش كويس وسلمتي ودنك لشر السوشيال ميديا عشان كان تعليق كلامهم فارغ، نسوكي إنك عرفتيني وأنا مشهور ودي طبيعة شغلي اللي عرفتيني عليها وحبتيني بيها، إزاي وصلوكي للزعل والبعد فترة.. المهم أنا مش هزعل منك ولا يرضيني زعلك إنتي حبيبتي وأم ولادي.. أنا ضهرك وسندك مهما حصل، بس اللي عايز أقوله لعل نكون سبب خير في توعية ناس كتير".

وتابع: "ليه لما أي حد بيزعل من حد بيطلع يكتب عليه في السوشيال ميديا طب حتى يكلمه الأول إيه علاقة الناس بعلاقة شخصية بين اتنين ممكن تتحل في التليفون أو في زيارة رحيمة ما بينهم وياريتها مشكلة أصلاً.. ربنا جعل ما بينا مودة ورحمة عشان كدة للأسف إنتي عارفة إن في ناس في طبيعتهم حب خراب البيوت ومش هنخلص منهم بس إنتي اللي هتخلصي من فكرة إنك تسمعيهم".

وأضاف: "ياريتك تركزي مع طاقة الناس اللي دعولنا ودعوا لولادنا وفعلا أنا بشكر كل الناس والفنانين اللى سعوا في الخير لينا.. وأنا واثق إنك دلوقتي زعلانة انك كتبتي كده.. هو تصرف متهور منك بس ولا يهمك مش عيب إن الإنسان يغلط ويتعلم وأنا ياما علمتك ولسة هعلمك كان نفسي الكلام ده يكون بينا لكن انتي أشركتي الجمهور الكريم فكام لازم أرد هنا.. وبينا حب عالي وحياة كريمة وأولادنا وبيتنا أغلى ما فيها ربنا يخلينا ليهم ويخليهم لينا يا رب.. متهورة بس بحبك".

وردّت عليه بسمة عبر خاصية القصص المصورة الملحقة بحسابها على "إنستغرام" بمنشور تعتذر فيه إليه، حيث علّقت قائلة: "فعلاً اتهورت بس علشان بحبك.. آسفة"