هنا الزاهد تدافع عن زوجها بذكاء: "بينسى وبيخسر"

أثار هجوم الفنان أحمد فهمي على قائد فريق الزمالك شيكابالا وتراجعه عن الاعتذار له، موجة جدل واسعة عبر مواقع التواصل الاجتماعي، الأمر الذي أجبر زوجته الفنانة هنا الزاهد على الردّ والدفاع عنه، من خلال منشور على "فيسبوك"، قالت فيه: "بعيدا عن أن شهادتي فيه مجروحة لأن الناس هتقول بتقول الكلام ده عشان جوزها. انا لا بفهم في الكورة ولا بتفرج عليها، بس بشوف قد إيه الإنسان ده بيحب يكون عفوي وبينسى إنه ممثل وبيتعامل مع كل الناس بكل ذوق حتى في الشارع وفي التصوير وفي كل مكان والناس اللي عرفاه عارفين ده كويس".

وأضافت: "أنا عارفة إنو الناس بتفضل تقول لا ده ممثل مينفعش يقول رأيه. بس للأسف الإنسان ده بينسى وبيخسر من كتر ما هو اللي في قلبه على لسانه ومش بيحب ينافق ولا بيرضي حد عشان يكسب جمهور زي ما ناس كتير بتعمل كده".

وتابعت: "لما بيكتب رأيه بيكتبوا على أكونت فيسبوك اللي فيه صحابه زيه زي أي حد أهلاوي بس للأسف بتطلع أخبار بالكلام اللي بيقولوا".

واختتمت الزاهد المنشور بالقول: "عموما أنا عايزة أقولك إنك قلبك طيب وعفوي بزيادة وبتقول اللي جواك من غير ما تحسبها عشان بتنسى إنك ممثل أصلا بس الأيام دي مينفعش تبقى كده للأسف . واعمل اللي يريحك لأنك إنسان وإحنا كده كده بنحبك جدا".

ليردّ عليها فهمي في تعليق: "أنت أكتر واحدة عارفاني ومعاشراني.. بس والله انا خلاص مش فارقلي حاجة أصلا".

يُذكر أن شيكابالا وفهمي لا يزالان على خلاف منذ الأزمة التي نشبت بينهما قبل أشهر عدة في حفل زفاف شريف منير حسن عضو مجلس إدارة نادي الزمالك السابق، والسبب أن فهمي توجه حينها نحو لاعب الزمالك لمصافحته، فرفض شيكابالا مصافحته ليتطور الأمر إلى مشادة كلامية تحولت إلى عراك وتضارب بالأيدي.

مقالات ذات صلة

نادين نسيب نجيم تنسّق فستانها البسيط بمجوهرات فاخرة

أمل بوشوشة تتحدث لـ"لها" عن عائلتها والحسد والسوشيال ميديا ومسلسلها في رمضان

هنا الزاهد وأحمد فهمي شيكابالا مشاهير الفن نجوم مصر