محمد سامي برسالة حب لزوجته: "نجاحها أثار غيرة الحاقدين"

نشر المخرج محمد سامي عبر حسابه الخاص على "إنستغرام" صورة تجمعه بزوجته الفنانة مي عمر وهلق عليها قائلاً: "دى صورة لي أنا ومي من 11 سنة، كنا بنفكر في أحلامنا ومستقبلنا وبنتمنى حاجات كتير ربنا أدانا أكتر منها كمان، عشان حاجة مهمة بعد كرمه وعطاءه، عشان بجد بنحب بعض وبنساعد بعض طول الوقت في تحقيق أحلامنا".

وأوضح: "بيتهيألي إني صعب كنت أنجح فى شغلي من غير دعم ومساندة مي لي طول الوقت، الدعم ده حاجات كتير قوي محتاجة مليون بوست عشان تتكتب كلها، والنهارده أنا وهي بنحتفل بنجاحها اللي تعبت فيه واشتغلت عشانه كتير، ووفقت بصعوبة بين بيتها اللي مخلياه جنة لي أنا وبناتي وبين أهلها وحياتها وشغلها وفي الآخر نجحت نجاح كبير يفرح بيها كل محب ويثير غيرة وحقد الكارهين".

View this post on Instagram

A post shared by Mohamed Sami (@directormohamedsami)

وأضاف: "مبروك حبيبتي وبنتي ومراتي الغالية، ودايما ناجحة ومتفوقة، وتحية لكل ست ناجحة وعارفة توصل لنجاحها رغم واجابتها تجاه أسرتها".

يذكر أن الممثلة المصرية لعبت دور البطولة في مسلسل "لؤلؤ" عن قصتها، وسيناريو وحوار محمد مهران، إخراج محمد عبد السلام، إشراف على الكتابة والإخراج محمد سامي، وشارك في بطولته أحمد زاهر، نرمين الفقي، محمد الشرنوبي، نجلاء بدر، إدوارد، هيدي كرم، هدير عبد الناصر، سلوى عثمان، حمدي هيكل وملك أحمد زاهر.

مقالات ذات صلة

مي عمر وريم سامي تخطفان الأنظار ببريق معدني على السجادة الحمراء في "مهرجان البحر الأحمر السينمائي"

مي عمر: انتظروا مفاجأة "الست موناليزا" في رمضان

المخرج محمد سامي مي عمر مشاهير الفن نجوم مصر