بالفيديو - إلهام شاهين تتحدّث عن الخيانة الزوجية ورسالة للفتيات: "لا تخفن من المتحرشين"

في مداخلة هاتفية مع الإعلامية لميس الحديدي ببرنامج "كلمة أخيرة" على قناة ON، وجهت الفنانة إلهام شاهين رسالة للفتيات، شجعتهن فيها على الإبلاغ عن حالات التحرش دون خوف.

قالت: "نفسي البنات ما يخافوش، خوفهم يشجع المتحرشين، ويخليهم يعرفوا إنها حتخاف وتخجل تقول للمجتمع علشان ما يبقاش في شوشرة حواليها. ده يخليهم يمارسوا التحرش ويكرروه، ولازم يبقى في ردع ليهم، وعلشان نوقفهم عند حدهم لازم يتفضحوا، ولازم يبقى في قوانين حاسمة جدا".

وأضافت: "فيلمي "حظر تجول" عن زنى المحارم، أي بنت تتعرض لأي نوع من التحرش من أبوها أو أخوها أو عمها أو أيا كانت درجة القرابة لازم تتكلم وتواجه المجتمع. مش هي المخطئة، المخطئ هو الذي يخاف من الفضيحة وليس هي".

وعن نموذج المرأة القوية الذي تقدمه في حكاية "حتة مني"، من مسلسل "زي القمر"، قالت: "أنا أحب المرأة القوية جداً، والمرأة تعلو عند الرجل عندما تحافظ على كبريائها وكرامتها، وليس حين "تطاطي". أنا أعرف ستات كتير تعرف إن جوزها على علاقة وتطنش علشان ما تخربش حياتها. بأشوف الست دي ما بتحبش الراجل، وهي بتعمل كده لمجرد إن في راجل يصرف عليها، وست ماعندهاش كيان مستقل، لكن أعذرها".