أعلنت الفنانة اللبنانية ليليان نمري تعرّضها لحادث من خلال فيديو نشرته على حسابها الخاص في "فيسبوك". وظهرت فيه أثناء وجودها في المستشفى، وتوجهت بالشكر إلى كل من اتصل مطمئناً إلى حالتها.

ونبّهت ليليان الجميع من عدم النزول من السيارة قبل التأكد من توافر شروط السلامة. وأشارت إلى أن من المرتقب أن تخضع لعملية جراحية قريباً، لافتةً إلى انها ستغادر المستشفى إلى منزلها.

وقبل هذا، نشرت الفنانة على الحساب نفسه صورة التُقطت لها وهي ترقد على سرير المرض، وأرفقتها بالتعليق: "أوعا تنزلوا من سيارة قبل ما تتأكدوا إنو كل شي تمام، معكن غراضكن بإيدكن مثلاً أو الجاكيت مش علقانة بالباب أو ما تسكر باب السيارة عالجاكيت وخاصة إذا الشوفور بلا مخ وبيقَلّع بالسيارة متل الطيارة قبل ما يتأكد إنو اللي معو نزل وطبش الباب وقلو تمام".

وأضافت: "انتبهوا عا حالكن المجانين كترانين منكون منعرفن بس مش منتبهين انو مجانين. نشكر الله قطوع ومرق بس ولا عالبال. الحمدلله عا كل شي انتبهوا من كل شي كل شي".

وتابعت: "شكراً لكل الطاقم الطبي وللمسؤولين العامين وأقسام الطوارئ والأشعة بمستشفى رزق وللمحبة والرعاية والاهتمام اللي ما بينوصَف إللي ولكل المرضى بالطوارئ. الله يبارك قلوبكم ويعطيكم الصحة ويبعد عنكم كل شر. صحيح انكسرت إيدي بس بقوة الرب أنا قبضاي".