الكورونا غيّر شخصية ريهام عبد الغفور.. وهكذا وصفت الحب الأول

حلت الفنانة ريهام عبد الغفور، ضيفة على إيناس سلامة الشواف، ببرنامج اذاعي على "راديو اينرجي" للحديث عن الكثير من تفاصيل حياتها والعديد من الأمور التي حدثت لحياتها لأول مرة.

وقالت: "بعد العامين الماضيين اتعودت أعيش اللحظة بكل حاجة فيها لإن الدنيا بتتشقلب في ثانية ولا أضع خطط للأيام المقبلة. 2020 صدمتنا شوية لكن الجاي أحلى. وأول كل حاجة دائما بيبقى ليها طعم تاني".

وأضافت: "الانطباعات الأولى لا تدوم بس أنا مبستعجلش في الحكم على الناس وبديلهم فرصة ولا أحب تكوين فكرة عن الاشخاص من أول مرة، ولو حد واخد انطباع عني غلط كنت ممكن أصححهوله وببقى مقهورة لغاية ما أصححله الفكرة لكن دلوقتي لا مش ببذل المجهود قوي".

وتابعت "الحب الأول مش وهم ومش هيجي زيه لكن لما بنكبر شوية بيكون الحب حقيقي أكتر".

وتحدثت عن تجربة الكورونا قائلة: "بعد الكورونا بقيت ممتنة لكل الحاجات اللي كانت عادية زي إني قادرة أزور أهلي وإني أقدر أسافر".

وأضافت: "شخصيتي لا تعرف اليأس، أنا شخص فايتر وبكمل لو عملت حاجة منجحتش بتعلم منها، وكل عمل بدخله بشتغل كأني أول مرة أشتغل وأمثل بنفس الحماس والتوتر وكل حاجة"، موضحة "لو عملت حاجة ومنجحتش التجربة اللي بعدها بيبقى عندي حماس أكبر عشان مش عاوزه أتهزم أو أتكسر كأنها اول مرة بس بخبرة أكبر".