علّقت سامية شاهين، زوجة المخرج الراحل ياسين إسماعيل ياسين، نجل الفنان الكبير إسماعيل ياسين، خلال مداخلة هاتفية مع الدكتور معتز بالله عبد الفتاح، مقدّم برنامح "تحت الشمس"، المعروض عبر قناة "الشمس" الفضائية، على الأزمة القائمة بسبب اتهام مسلسل "موسى" بالسخرية من الكوميديان الراحل في أحد مشاهد الحلقة 12 من العمل الذي يقوم ببطولته النجم محمد رمضان... وقالت: "دي مش أول مرة محمد رمضان يعمل حاجة زي كده، من سنة ونص قال حاجة عن إسماعيل ياسين واتدخل النقيب الدكتور أشرف زكي حتى اعتذر رمضان، ومحرمش".

وأضافت: "المشهد ده تهكم واضح على فنان قيمة وقامة زي إسماعيل ياسين، محمد رمضان بييجي جنب إسماعيل ياسين ليه؟ إحنا المرة دي مش هنعدّيها، المرة اللي فاتت عدّيناها، ونريد الحق الأدبي للقامة الكبيرة إسماعيل ياسين".

وتابعت: "اللي هيرد اعتبار إسماعيل ياسين أنه يعتذر رسمياً هو والمؤلف والمخرج، المؤلف والمخرج ماشيين ورا محمد رمضان، إزاي المخرج يقبل حاجة زي كده؟ في قانون بيحكم ظهور الشخصيات التاريخية من غير موافقة الورثة".

واختتمت سامية شاهين بالقول: "أنا مش هقبل أن جد بناتي (سارة وسلمى) أحفاد إسماعيل ياسين يتهان بالشكل ده".