أعلنت مي محروس، ابنة الفنانة فاتن فتحي المعروفة باسم "نادية العراقية"، أنه تم نقل والدتها إلى العناية المركزة وأن حالتها حرجة، وكتبت على حساب الأخيرة في "فيسبوك": "أنا مي. ماما في العناية المركزة حالتها حرجة وصعبة جداً من يومين أرجوكم ادعولها بالشفاء بحق الأيام المفترجة دي. أنا كان لازم أكتب البوست ده عندها يمكن دعاكم يقدر يعمل حاجة. اللهم اني لا أسالك رد القضاء ولكني اسألك اللطف فيه". وأضافت: "يا رب بحق الأيام الصعبة اللي شافتها في حياتها تشفيها وتقوم بالسلامة. يا رب أمي ست كريمة وخيرة وطيبة أوي يا رب اشفيها وطمّن قلوبنا وقلب أبويا عليها يا رب".

ونشرت مي صوراً جمعتها مع أمها على حسابها الخاص في الموقع وأرفقتها بهذا التعليق: "ماما انتِ هتقومي بالسلامة أنا عند حسن ظني بالله انك هترجعيلنا البيت بألف سلامة حتى لو يوم واحد بس أشوفك فيه وحشتيني أوي وسامحيني مفيش حاجة في إيدي يا ماما غير إني ادعيلك انتِ طيبة وجدعة والناس بتحبك وربنا بيحبك وهترجعيلنا البيت بألف خير و سلامة. اللهم هَون واشفيها وخفف ألمها وريح قلب أبويا و طمنه عليها بحق الأيام المفترجة دي يا رب متحزناش في العيد يا رب نعيد معاها وهي في وسطنا".

ويُشار إلى أن مي محروس كانت قد كشفت عن معاناتها من مشكلة في إحدى عينيها، وكتبت على حسابها الخاص في "فيسبوك": "نزيف حاد فعيني اليمين دي تبقي العملية الرابعة. مش شايفة ادعولي. لاحول ولا قوة الا بالله. خلوا بالكم من نفسكم القهر والظلم يعمل أكتر من كدة".