أسماء مصطفى تبدأ مرحلة جديدة من علاج السرطان

كشفت الإعلامية أسماء مصطفى، عن خضوعها لعقار جديد لعلاج السرطان، وذلك من خلال حسابها على فيسبوك.

وكتبت قائلة: "توكلت عليك يا رب، بسم الله الذي لا يضر مع اسمه شيء في الأرض ولا في السماء وهو السميع العليم، أول جرعة في العلاج الجديد، لا راد لقضاء الله إلا بقدر الله".

وكانت الإعلامية أسماء مصطفى قد كشفت عن أسباب اختفائها خلال الفترة الماضية، وقالت في منشور لها، عبر صفحتها على "فيسبوك": "بعتذر طول الفترة اللي فاتت عن الاختفاء وعدم الرد غصب عني الحقيقة بقالي كام شهر مش عارفة أرد أو أكتب أقول إيه لمعظم الناس وده كان علشان أمي وعيلتى لحد ما يستوعبوا القصة وبعد ما عرفت ورضيت خلاص مش فارق معايا خلاص".

وتابعت: "أنا حالي حال ناس غيري كتير بيمروا بمعركة مع المرض اللعين الاسم صعب معلش، وأنا منهم بحاول وبكافح وربنا كريم، صحيح المشوار لسه طويل والشفا بإيدين ربنا وحده وما علينا غير إننا ناخد بالأسباب ونرضى بقضاء الله ونسأله اللطف فيه مش عايزة حد يزعل أنا بس محتاجة الدعاء لأني مؤمنة إنه بيغير القدر.. أنا قطعت مسافة كويسة في رحلة العلاج الحمد لله ولسه في خطوات تانية ربنا يسهل في انتظار تحديد ميعاد العملية علشان كده عدم ظهوري هيطول.. رجاء تاني محدش يضايق فضلا الدعاء".