مصطفى درويش يعتذر لنقابة الممثلين لهذا السبب

تراجع الفنان مصطفى درويش عن مهاجمته لنقابة المهن التمثيلية، برئاسة الفنان أشرف زكي، وذلك بعد تدهور الحالة الصحية للفنان شريف دسوقي، وبتر قدمه.

وكان درويش قد كتب عبر حسابه الشخصي في موقع التواصل الاجتماعي «فيسبوك»، قائلاً: «لا حول ولا قوة إلا بالله... اللي حصل لشريف دسوقي ده حرام، حسبي الله ونِعم الوكيل في اللي كان السبب.. لو كان حد وقف من النقابة، واتحرك قبل ما يتعمل فيه الكارثة دي، كان اتلحق، بس للأسف النقابة قالت لبدرية طلبة لما استنجدت بيهم، أصله مش عضو، فمش هينفع نساعده من النقابة، بس هنبقى نبعتلك مساعدة كده شخصية».

وكتب مصطفى درويش منشوراً آخر جاء فيه: «تعديل للبوست، النقابة متكفلة بكل العلاج من أول دخوله المستشفى، وكانت متابعة حالة شريف من أولها لآخرها، عكس ما اتقالي أو وصلني، شكراً نقابة المهن التمثيلية بيتنا كلنا، شكراً دكتور أشرف زكي».

وأضاف درويش قائلاً: «ربنا يشفيك يا شريف، ويعينك على اللي جاي، وكل الناس معاك وفي ضهرك، ومعلومة بس، إحنا مكناش سايبين شريف لوحده زي ما ناس بتقول عن النقابة والممثلين والمنتجين، بس فيه مواضيع لا يمكن تتقال ولا ينفع تتفتح، فياريت نقف جنبه بكلمة حلوة، بدعوة حلوة وبس».

وقال درويش في منشوره الأول: «حقك عليا يا شريف سامحني، والله ما كنت أعرف إنك في الحالة دي، حقك عليا والله، وقدام الجميع أهو، والله ما هسيبك لحد ما أموت أنت مسؤول مني مسؤوليه كاملة.. حقك عليا وحقك علينا كلنا.. الأستاذ جمال العدل اتكفل بمصاريف المستشفى والعلاج، والأستاذة كاملة جابت له طرف اصطناعي من أحسن شركة للأطراف الاصطناعية.. شكراً لبدرية طلبة أنتي بميت راجل انتي وناس إسكندرية».