بالفيديو - هكذا علّقت لقاء الخميسي على شخصيتها المثيرة في "ضد الكسر"

في مقابلة مع برنامج It's show time الذي تقدّمه الإعلاميتان مها الصغير ودينا حويدق على قناة CBC، اعتبرت الفنانة لقاء الخميسي كره المشاهدين لـ"نادين"، الشخصية التي جسّدتها في مسلسل "ضد الكسر" في رمضان الماضي، بعد خيانتها لصديقتها "سلمى" (نيللي كريم)، علامة على نجاح الدور في إيصال المعلومة.

وقالت لقاء: "شفت إن في كذا مسلسل كان فيه خيانة، ومش السنة دي هو في العموم في أعمال كتير أوي فيها خيانة. أنا بشوف إن الناس إتغيرت السنة دي والسنة اللي فاتت، لأن عادة أي وباء أو مرض أو حاجة وحشة بتحصل بتبينلك اللي قدامك، فالناس يا حرام لإنها جواها تفاصيل من دي كتير فشافت دا كتير في المسلسلات. بس في مسلسلات عادية مفهاش خيانة، بس عشان الناس عايزة تشوف دا".

وأضافت: "الشخصية نجحت أول ما ابتديت أشوف الناس بتعمل كوميكس وبتتكلم على أد إيه هيا سودا وإحنا بنكرهها ودي الصديقة، أنا كده شفت إن أنا نجحت أوصل المعلومة".

يُذكر أن مسلسل "ضد الكسر" من بطولة: نيللي كريم، محمد فراج، هشام إسماعيل، مصطفى درويش، لقاء الخميسي، تارا عماد، حمزة العيلي، وهو تأليف عمرو الدالي، وإخراج أحمد خالد، وإنتاج "العدل غروب".

شارك