حورية فرغلي: "في انتظاري عمل كتير بعد نجاح العمليات الأربع"

خرجت الفنانة المصرية حورية فرغلي على متابعيها بـ"لايف" عبر صفحتها الشخصية في موقع "فيسبوك"، لتوجّه الشكر الى كل الجمهور الذي دعمها ودعا لها طوال فترة سفرها من أجل إجراء العمليات الجراحية لأنفها في أميركا، وأيضاً بعد عودتها، وطمأنت المتابعين على حالتها الصحية وآخر تطوراتها، حيث قالت: "كل سنة وانتوا طيبين، ميرسي أوي على كمية الرسائل اللي عمالين تبعتوهالي، شكراً على دعمكوا ليا ودعواتكوا وسؤالكوا عليا طول وأنا مسافرة وحتى بعد ما رجعت، أما تطورات العلاج والنقاهة فعاوزة أقولكوا إن أنا زي الفل، الدكتور مبسوط جداً وأنا مبسوطة جداً، حاستي الشم والتذوق رجعولي تاني وصوتي مبقاش مخنق وبقيت أنام وأنا بتنفس من مناخيري".

وأضافت: "الحمد لله يا رب، ربنا رجعلي النعمة دي تاني، أنا بس بحب اطمنكوا إن أنا زي الفل وعندي كمية طاقة كبيرة أوي وأنا داخلة على شغل كتير، هتبقى مفاجأة بالنسبة ليكوا وأنا دايما معوداكوا أن مش بعمل حاجة عادية".