أحمد سعد يعتدي على شاب في محطة وقود

تداول رواد موقع التواصل الاجتماعي "فيسبوك"، منشوراً لأحد الأشخاص يروي من خلاله واقعة تعدي الفنان أحمد سعد، على أحد الشباب داخل محطة وقود.

وجاء المنشور علي النحو التالي: "النهارده كنت في بنزينة إمارات مصر جنب داون تاون وشوفت شاب صغير في العشرينات كان معدي من ورا عربية BMW x5/6 بيضة والعربية كانت بترجع بسرعة كانت هاتخبط الولد، فالولد كرد فعل طبيعي قاله "خلي بالك وانت راجع يا حبيبي" واتضح إن اللي كان راكب العربيه الفنان أحمد سعد راح عليه وقاله "بتكلم مين كده يلا؟" فالولد رد عليه قاله "يلا؟ بكلمك أنت" وطبعاً الكلام ماجاش على هوا ولا على كرامة أحمد سعد اللي ضرب الولد بالقلم قدام أمه وأخته والناس كلها في البنزينة، ووقعه ع الأرض قدام عربيتي بالظبط وقطعله تيشرته، وكرد فعل طبيعي مني أنا وأختي حاولنا نوقفه بالكلام فرد علينا بشتايم قذرة جداً وابتسملنا ومشي بالعربية.

الموقف ده بينلي قد إيه إحنا بندي قيمة لأشخاص ماتستاهلش وبنسيبهم يعيشوا وسطينا عادي جداً."

وقامت الفتاة، بإضافة تحديث لمنشورها، وقالت إن أحمد سعد، اعتذر للشاب بعد ضربه وتمزيق التيشيرت له، لافتة إلى أنها لن تترك حقها مع المطرب، لأنه قام بسبها.

وكتبت الفتاة، في التحديث الجديد لمنشورها: "تحديث: الشاب اللي الفنان اعتدى عليه كلمنا وعرفنا منه إنه رجعله واعتذرله إنه ضربه والموضوع خلص.. بس بالنسبالي الموضوع ماخلصش وأنا بحكي موقف شوفته وتم التعرض عليا أنا وأختي فيه بالشتيمة، فالبوست هايفضل موجود لحد ما البلطجي ده ياخد عقابه".