كشف الفنان المصري شريف دسوقي خلال مداخلة هاتفية مع الإعلامي عمرو أديب في برنامج "الحكاية" الذي يقدّمه على قناة MBC مصر، عن موعد خروجه من المستشفى وعودته للعمل. إذ قال: "أنا شغال بروفات حالياً، بحضر شغلي دلوقت، وبيبعتولي الورق بدل ما أنا قاعد في المستشفى عندي وقت كتير. قدامي بالظبط مش أكتر من 25 يوم".

وشكر شريف كل من اهتموا بحالته الصحية، وأضاف: "أنا مش عارف أشكر السيد الرئيس عبد الفتاح السيسي، ولا السادة الوزراء اللي وقفوا معايا، ولا دكتور أشرف زكي. لكن عايز أشكر حد بشكل كبير جداً وهو أستاذ أحمد الجنايني، اللي شالني فعلاً. كنت بصور معاه الفيلم ومش قايله إني تعبان، مسابنيش لحظة، اتنقل من مستشفى لمستشفى ورا مني، وكمان الشركة المتحدة مسابتنيش ولا لحظة. من ساعة ما عملت مع حضرتك المكالمة وهما متولين كل شيء. الحمد لله أشهد إن عندنا طب عالمي".

ووجّه شريف رسالة الى الشباب قال فيها: "كل اللي عايز أقوله لكل شبابنا مفيش حاجة اسمها خلاص خلصت كده، وأيأس وأقعد في البيت وأطول دقني، وأقول خلاص راحت عليَّ. أنا مكمل وولادي في الوسط عارفين كويس إرادة شريف يعني إيه.. فعلا الجملة اللي إتقالت في أحد المسلسلات "معندناش حداد"، إحنا مابنحزنش على حاجة، إحنا شعب مصري كل العالم بيقتدي بيه".