بالفيديو - شقيقة زوج ريهام حجاج ترد على ياسمين عبد العزيز: "خرجناكي من حياتنا"

نشر رجل الأعمال محمد حلاوة فيديو عبر خاصية القصص المصورة الملحقة على حسابه بـ"إنستغرام"، لأخته لمياء حلاوة تعلق فيه على ما نشرته ياسمين عبد العزيز على صفحتها الشخصية على "فيسبوك" تعليقًا على لقاء ريهام حجاج مع الإعلامية بوسي شلبي، والذي تحدثت خلاله عن كواليس زواجها من رجل الأعمال محمد حلاوة.

وقالت لمياء حلاوة في الفيديو: "الحقيقة أنا شفت برنامج ريهام صاحبتي وأختي وزوجة أخويا، أنا فرحانة جداً بيه، خاصة إنها قالت كلام محترم وكلام من قلبها".

وتابعت: "الحاجة اللي ضايقتني وأزعجتني جداً، ودي حاجة عائلية، إن أنا فوجئت بكلام بيتقال من كم ساعة.. زى حرابيق.. وكلام ميصحش يتقال.. يا جماعة إحنا بقالنا 3 سنين بنتحارب ونتهاجم.. وبيتقال علينا كلام غلط وإحنا مابنردش عشان مصلحة ولادنا.. عشان ده اللي اتعلمناه في الدنيا إننا نخاف على ولادنا".

ووجهت كلامها إلى ياسمين عبد العزيز: "بس الظاهر إن فيه ناس تانية مش فارق معاها الكلام ده.. إحنا خلاص خرجناكي من حياتنا وقفلنا صفحتك.. مش بس كدة مابنفتكركيش.. وعايزينك إنتي كمان تركزي في صفحتك وتنسينا.. وحاولى إن أنتي تكوني سعيدة.. لإن إحنا بقينا سعداء وإحنا بعيد عنك.. يارب يكون الكلام ده وصلك.. لأن أنتي بكدة بتبوظي الصفحة الجديدة بتاعتك كمان".