مطرب مصري يعاني من التنمر بعد إصابته في حادث سير: "دي مش إعاقة"!

كشف المطرب أحمد طه، الذي اشتهر بأغنية "سهر الليالي"، عن معاناته مع الناس عقب تعرضه لحادث سير والذي أدى إلى سيره معتمداً على عكازين.

وكتب طه عبر فيسبوك: "سبحان الله أنا أخدت بالي من حاجة كنت بهرب منها.. الناس لما بتعرف إني بتحرك بصعوبة أو بمشي بعكازين بيهربو وبيخلعو مني وبيبطلو يسألو عليا.. مع العلم إن دي حادثة وكل الناس معرضة ليها، وطبعاً بعد الشر عن أي حد".

وأضاف: "دى مش إعاقة يعني وحتى لو إعاقة.. إحنا بنعرف بعض علشان الشكل؟؟؟ أنا هابقى كويس قريب والله وهامشي تاني وهاسيب العكاكيز دي وهابقى طبيعي.. بس والله لما أبقى كويس أي حد من اللي هرب لو قاللي حتى ازيك هاهينه".

وأعلن المطرب أحمد طه في ديسمبر الماضي، إصابته بفيروس كورونا، وكتب عبر "فيس بوك" قائلا: "أنا من الفجر وأنا تعبان أوي وحاسس بحاجات مش مطمناني خالص.. أنا مش ناقص والله والواحد فيه اللي مكفيه.. دعواتكم بقى إنها ماتبقاش كورونا علشان دي هاتبقى صعبة أوي ومش هاعرف أعمل لنفسي أي حاجة خالص.. ربنا يستر". ليعلن بعدها بأيام قليلة تعبه الشديد قائلا: "يا جماعة والله شكراً جدا لكل الناس اللي سألت عليا.. أنا مش عارف أرد طبعاً علشان تعبان أوي والله، بس أكيد كل واحد كتبلي كومنت أو رسالة أو كلمني، على راسي والله، بجد سامحوني".

وأضاف: "التجربة صعبة أوي أوي، وخصوصاً إن أنا أصلاً مش ناقص، بس الحمد لله يعني.. بجد تعب صعب أوي وماكنتش متخيل كده.. بجد يا جماعة خلوا بالكم من نفسكم علشان كورونا ده حاجة صعبة أوي.. ربنا يسترها عليكم يارب".

شارك