منة فضالي تدافع عن فتاة "البوركيني": "إيه العيب؟"

دعمت الفنانة الشابة منة فضالي دينا هشام الشهيرة بـ"فتاة البوركيني" بنشرها رداً على أزمة "المايوة الشرعي" عبر حسابها في "فيسبوك"، جاء فيه: "مش فاهمة إيه العيب أن واحدة محجبة تنزل بمايوه شرعي، ايه اللي يزعل في كده وعلشان إيه ممنوع؟ هو لازم يعني العالم كله يلبس بيكيني إن شاء الله إيه الهبل ده؟". وأضافت: "ربنا يدينا الهداية ويتوب علينا كلنا والله... ليه القرارات النيلة دي عالم متخلّفة وتافهة.. هتقولوا لي ما إنتي بتلبسي مايوه وبتتصوري والهري ده هقول أنا حرة زي أي حد حر، ما دام في حالي زي ما كلكم زمان أهاليكم كانوا بيلبسو كده وأكثر... بس للأسف إحنا عندنا دلوقتي عدم احترام".

واختتمت فضالي كلامها قائلةً: "مش معنى كده إني صح وإني بشجع على المايوه بس ها يجي يوم ومش هعرف ألبس حاجة من اللي قادرة ألبسها دلوقتي كل سنّ وله احترامه ولبسه... احترموا حرية الناس وافتكروا أن ربنا اللي بيحاسب مش البشر... وأنا مع الست اللي تلبس مايوه شرعي وضد التخلّف بتاع الممنوع".

يُذكر أن ابنة هبة قطب أثارت جدلاً كبيراً بعد منعها من النزول الى حمّام السباحة بسبب ارتدائها المايوه الشرعي.