بالفيديو - زينة تكشف أسراراً عن طفليها التوأم وهذا ما يمنعانها عنه

أكدت الفنانة زينة إن ولديها التوأم يتحكمان في الكثير من قراراتها مثل اختيار الملابس، وأنها تحترم رأيهما للغاية.

وأضافت خلال حوارها مع برنامج " بالعربي et": "أولادي منعوني مثلا ألبس حاجة مفتوحة عشان دي حتة المفروض محدش يشوفها، وأنا بعلمهم أن جسمهم مينفعش حد يلمسه لأنه بقينا بنخاف على الأولاد زي ما بنخاف على البنات بالظبط".

وتابعت: "أنا بحترم رأي أولادي وبسمع كلامهم، واللي بيتكلم دايما ويتناقش ويدي أوامر وكده هو زين، واللي مبيتكلمش وبتاع حركات هو عز، وما شاء الله في واحد فيهم صوته حلو أوي معرفش إزاي، واحد بيغني والتاني بيمثل".

وقالت زينة أنها كانت في السابق من تحدد اتجاه رحلتها، ولكن الأمر الآن أصبح في أيدي نجليها.

View this post on Instagram

A post shared by ET بالعربي (@etbilarabi)

وأثناء حديثها اقتحم طفليها الحوار ليتم اضطراريا إيقاف التصوير بعد رفضها ظهورهما، وخاطبتهما قائلة: "خشوا على جوه كده على طول، ماتطلعوش بره خالص".

وعقبت على ذلك، قائلة: "هما دلوقتي أطفال، خلوهم يعيشوا سنهم، لما يكبروا يبقوا يقرروا يظهروا أو لأ، وفي ناس كتير غيري مش بيظهروا أولادهم، وهما أبوهم وأمهم فنانين، وفي مشاكل حصلت زمان بيني وبين أبوهم وكده، وعشان كده مظنش أن ظهورهم هيبقى مفيد".