حلا شيحة غاضبة من تامر حسني: "أنا تُبت من المشاهد دي"

15 تموز 2021

تامر حسني وحلا شيحة

عبّرت الفنانة المصرية حلا شيحة عن عدم رضاها من مواطنها النجم تامر حسني، بعدما طرح كليب أغنية من فيلم "مش أنا "الذي جمعهما، مستخدماً مشاهد لها، وأكدت ندمها على المشاركة في هذا العمل الدرامي.

وقالت حلا من خلال حسابها الرسمي في تطبيق "إنستغرام": "أنا اتفاجئت جداً بنزول كليب يجمع فيه مشاهد متفرقة من الفيلم وفي أيام ذي الحجة أيام مباركة وخصوصاً بعد آخر بوست نزلته ووضحت فيه انا إيه، واتفاجئت اكتر خصوصاً بعد وعد تامر حسني ليا وتأكيده انه حيحترم رغبتي وبعض الطلبات اللي طلبتها منه بكل احترام وود الصيف اللي فات و اكدلي انه حيحترم رغبتي، احنا يمكن نجحنا بمقايس الدنيا بس صدقوني بمقايس ربنا إحنا لم ولن ننجح".

وأضافت: "انا عارفة ومتأكدة إن زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح، بتكلم من قلبي الكليب ده ميرضيش ربنا وأنا عيطت لأني شفت نفسي في المشاهد دي... دي كانت زلة نتيجة ظروف مريت بيها وكلنا بنغلط ولازم نغلط علشان إحنا بشر بس المصيبة اننا بنغفل وبننسى".

وأردفت قائلةً: "انا مش حتكسف من حد أنا تبت من المشاهد دي وهي لا تصح وأنا غلطت وبصلح وأهم حاجة إن ربنا يرضى عني لأن في الآخر ده اللي حينفعنا مش الشهرة ولا النجاح لا هو مش نجاح أصلاً علشان النجاح الحقيقي حاجة تانية خالص إحنا أغلبنا ناسينها إلا القليلين منا، الفن لو بيخلينا نبعد عن منهج ربنا ومنبقاش قدوة لولادنا يبقى باطل وميبقاش فن، إحنا كلنا عندنا امتحان في الدنيا دي وحابة أفكرك بالفيديو ده يا تامر اللي قولت فيه أنا مش بتمنى أموت وأنا مطرب أنا دايماً خايف من كده... كلام أكيد قولته في لحظة صدق جواك وجوانا كلنا".

واختتمت حلا شيحة كلامها بالطلب من حسني مشاهدة الكليب: "شوفه تاني يمكن يفكرك إن جواك أكيد في صراع وأنا كمان، كلنا بنغلط بس المهم في الآخر نتدارك الغلط ونصلح".