مي حلمي تهاجم تامر شلتوت وهو يردّ

بعد إنتشار صورتهما معا وترديد شائعات عن وجود قصة حب بينهما هاجمت المذيعة مي حلمي، الفنان والمذيع الشاب تامر شلتوت.

وكتبت عبر حسابها على "إنستغرام": "كل واحد عاوز يركب التريند وما بيخدش باله من أذيته لغيره.. بحب زمايلي وبحترمهم جدا لكن مش طبيعي بعد إعلاني لارتباطي بيومين تيجي تتصور معايا لما شوفتني في الطيارة بالصدفة، وتحط قلب على الصورة وتسيب عنصر التشويق للجمهور ومافيش إحساس للغير".

وأضافت : "ليه إيه الإفادة؟ كان ممكن زي ماوضحت للناس بعدها بست سبع ساعات، كنت تكتب صدفة حلوة زميلتي العزيزة مي أوقع، أنا بحب الكل ومابحبش أشوف الناس وحشة، مهما حصل لكن ده بيأذيني أنا".

وأكملت :"ماكنتش مستهلة القصة عشان حبة أخبار ملهمش لزمة غير أنهم يضروني في نفسيتي مش أكتر وقت فرحتي، معرفش كان المفروض اتصرف إزاي كنت أرفض الصورة لكن أكيد مش هعرف نوايا الغير".

وأنهت كلامها قائلة: "إلى عيلتي العزيزة المحبة، ماتنزلش أخبار من عندي ماتصدقوش غيري وأرجوكم احترموا قراري أني أعمل بيت وعيلة في هدوء دون زحام."

وبدوره رد تامر شلتوت بإيجاز في تصريحات صحافية قائلاً:"أنا مش بتاع ركوب تريند ولا بتاع التفاصيل دي، كل الاحترام لزمايلي وأنا مسحت البوست".

زيجات فنية أثارت جدلاً في الخليج: وهم وانفصال في شهر العسل... وطلاق قبل الزواج!

مقالات ذات صلة

زيجات فنية أثارت جدلاً في الخليج: وهم وانفصال في شهر العسل... وطلاق قبل الزواج!

تامر شلتوت مي حلمي