بالفيديو - دياب يردّ على هاني محروس ويتهمه بـ"الكذب والافتراء"

رد الفنان دياب على التصريحات الأخيرة للمنتج ومهندس الصوت هاني محروس في برنامج "الحكاية"، حول خلافه مع المنتج نصر محروس، والذي كان حديث السوشيال ميديا خلال الأيام الماضية.

وقال دياب في مداخلة هاتفية مع برنامج «الحكاية» الذي يقدّمه الإعلامي عمرو أديب على فضائية "مصر MBC": "أنا خدت مرتب فعلا لمدة سنة في 2006، ومخدتش في سنوات 2005 و2007 و2008 و2009، في 2006 كان بيديني 1500 جنيه في الشهر، مبيكفوش حق المواصلات من إمبابة مكان سكني لغاية الشركة في مصر الجديدة، وبعد كده قطع المرتب، ولما والدتي اتوفت في 2006، ومكنش معايا فلوس أكل وكلمتهم قالولي مفيش فلوس".

وعن عدم تحويله مبالغ مالية لمدة 6 سنوات، قال: "ده كذب وافتراء، أنا باعت لحضرتك مخالصة 2017 ممكن تعرضها للجمهور، دي آخر مخالصة من الشركة عن أعمالي في 2017 في 2018 لما وردت الفلوس كانت بدأت المشاكل، وقال لي مفيش مخالصة، يا إما تمضي على عقد جديد وطبعاً عقد مجحف أكتر من اللي قبله".

وعن قوله: "عمرنا ما قفلنا باب الاستوديو"، أكد قائلاً: "ده كذب وافتراء، وحضرتك معاك محاضر إثبات الحالة إن الأستوديو كان مقفول".