نجل طارق العريان يوضح تفاصيل المشاجرة في لبنان... وهذا ما كشفته الممثلة

في أول تعليق له، بعد أزمة مشاجرته مع بعض الشبان في أحد الكافيهات في لبنان، بسبب الفنانة المصرية شيرين أبو العز، كشف عمر نجل المخرج طارق العريان في تصريحات صحافية، عن كواليس ما حصل والجراحة التي خضع لها، موضحاً، "قمت بالسلامة الحمد لله، وأجريت عمليات جراحية في يدي وقدمي بسبب بعض الكسور". وأضاف: "حصلت مشكلة كبيرة جداً في لبنان، والواحد اتظلم فيها جامد، والناس افتروا علينا أنا مضربتش حد بالقلم".

كلام عمر أكدته الفنانة شيرين أبو العز، التي قالت في تصريحات صحافية: "كل الكلام اللي تم تداوله على السوشيال ميديا خطأ، عمر ماضربنيش الحكاية من البداية حصلت كنت سهرانة مع صحابي في مكان وقابلت عمر بالصدفة قربت عشان أسلم عليه لأني أعرفه وتربطنا صداقة عمل سوا كانت معاه بنت شدّته، وكل الناس في المكان خدت بالها، رحت رجعت على الطاولة تاني وكان قاعد على الطاولة جنبنا عمر والبنت اللي معاه وشنا في وش بعض".

وأضافت: "البنت اللي مع عمر فضلت تعمل حركات استفزازية وكلام مايتقالش، فقام أحد الأشخاص من أصدقائي للبنت، وقالها كفاية الناس كلها بتبص علينا، شيرين معملتش حاجة لكل ده قعدت تزعق له، جه عمر وكان بره وفضل يزعق في الشاب بدل ما يعرف المشكلة اتخانقوا سوا، عمر ضربني بجردل الثلج على جسمي وطول الخناقة فضلت قاعدة على الكرسي وصحابي دافعوا عني، جه عمر عايز يمشي من المكان طلع على ترابيزة وبينط رجله اتكسرت، ومحدش لمسه، والخناقة كلها بسبب أسما سليمان هي اللي كانت مع عمر وبدأت الخناقة مش أنا السبب وده بالظبط اللي حصل".

وخضع عمر لثلاث عمليات ناجحة في يده وركبته، حيث أُصيب بكسر شديد في الركبة أدى إلى انقسامها الى جزءين بسبب سقوطه من أعلى الطاولة.

وتكلّفت العمليات الثلاث بحسب بعض المصادر ما يفوق العشرين ألف دولار، أي ما يعادل 300 ألف جنيه مصري.