بالفيديو - شريف منير منتقداً نشر خبر حريق منزله: "الصحافة بتحبّ الخراب"

في مقابلة مع الإعلامية رندة جبر ببرنامج The Insider بالعربي على تليفزيون دبي، انتقد الفنان شريف منير الطريقة التي تناولت بها الصحافة الحريق الذي شب في منزله قبل أيام.

قال شريف: "أنا بلوم على الصحافة والمصادر اللي بتتكلم عن أي حدث بيحصل، والتهويل الكبير، لإن هما قالوا بيته اتحرق تماما. ولا حد عارف حاجة، ولا حد شاف حاجة."

وأضاف: "يعني إنتو بتحبوا الخراب؟ يعني إنت حابب تضخم الموضوع عشان تخرب الدنيا، أولا ده بيخض الناس اللي حوالينا وأصحابنا وقرايبنا، وقرايبنا وصحابنا اللي في بلاد تانية، طبعا بيوصل لهم الخبر. فده نوع من الصحافة السخيفة أنا مبحبهوش."

ونشر "منير" وقت وقوع الحادثة مجموعة صور من المنزل بعد حدوث الحريق، وكتب معلقًا "الحمدلله .. قدّر ولطف .. سيجارة اترمت من مكان ما على سقف أوضه عندي في تراس البيت.. شبت حريقة.. والحمدلله رجال إطفاء المقطم قدروا يسيطروا على الحريق."

وتابع شريف منير قائلًا: "الحمدلله قدر الله وماشاء فعل. وأشكر جيراني لوقفتهم بجانب زوجتي وبنتي إللي كانوا لوحدهم في البيت.. لإني بصور من ٧ صباحاً وده حصل وأنا مش موجود."