نشرت الإعلامية أسماء مصطفى على حسابها الشخصي بـ"فيسبوك"، منشوراً طمأنت به متابعيها على حالتها الصحية، بعد نجاح العملية الجراحية التي أجرتها مؤخراً، وكتبت قائلة: "الحمد لله رب العالمين كما ينبغي لجلال وجهك وعظيم سلطانك، اتأخرت عليكم بس عارفة إنكم بتعذروني".

وأضافت: "عايزة اقولكم إني فعلا زي ما بنقول ربنا كتبلي عمر جديد وقدر ولطف، تفاصيل صعبة لكن اكيد الدعوات الصادقة لوجه الله هي اللي نجتني".

وأوضحت أن مشوار علاجها لم ينته بعد، قائلة: أنا لسه عندي مشوار مع العلاج والحمد لله لثاني مرة مقدرتش أتخلص من الورم اللعين كلياً ولسه هكمل علاج لكن ربنا نجاني الحمد لله واكيد ليه حكمة واكيد ده الخير وربنا يسامحني على كل يوم كنت بصحتي ومصحتش أحمد ربنا عليه".

وقدمت نصيحة في آخر كلامها وقالت: أيها الاصحاء اشكروا الله وادعوا لجميع المرضى بشكركم من قلبي على دعواتكم ربنا يحفظكم".

كانت الإعلامية أسماء مصطفى، قد كشفت في منشور لها عبر حسابها على "فيسبوك"؛ عن كواليس رحلتها مع مرض السرطان.

وقالت: "السرطان ده طلع حكاية ورواية ومحطات وأماكن بدون كتالوج حتى قوتك وحربك في المعركة طلعوا بردوا مش واحد هو لعنة في كل الأوقات".

وأضافت: "يعني اللي بيحارب جوه الميدان غير اللي في وش المعركة غير اللي واقف على الحدود، سبحان الله له في ذلك حكم أومال مين يتعلم من مين ونقيس تجاربنا إزاي ونفيد بعض إزاي؟".

واختتمت: "مفيش كتالوج أنت ورزقك أنت واختبارك وربنا عارف صبر وقوة كل واحد علشان كده محدش مقياس لحد".