أحمد سعد يكشف طريقته الغريبة في التصالح مع زوجته وسبب غضب شقيقه منه

القاهرة – "لها" 30 سبتمبر 2021

كشف النجم أحمد سعد أن السبب الرئيسي في المشكلات التي تحدث بينه وبين زوجته علياء بسيوني، هو «حبها الشديد للأكل».

وأضاف، خلال حواره في برنامج «90 دقيقة»، والذي يُعرض على شاشة «المحور»،: "لازم أأكلها دايما، أخاف تنزل الشارع حد يضحك عليها ويأكلها بسندوتش، عشان أراضيها لازم أديها سندويتش، وبعدها ممكن تتنازل عن أي حاجة، لكن مش أي حاجة، في مرة قالت لي عاوزين ناكل من كبدة الفلاح، قلت لها سندويتشين؟! قالت لي وجبات».


لترد عليه مقدمة البرنامج بسمة وهبة: "أوفر من اللي بتتصالح بألماظ".

ليعترض سعد قائلاً: «لأ طبعا، الألماظ ده بيبقى مرة واحدة، إنما انا لازم أجيب 5 وجبات في اليوم، أجيب ألماظ أحسن، كنت عايز آخد قرض من البنك عشان أأكلها بالقسط».

وأوضح أنه قرر أن يكون حفل زواجهما بعيدا عن الصحافة والإعلا، وأن أخوته غضبوا منه بسبب عدم الإعلان عن موعد زفافه: «مقلتش لأي حد، والناس عرفت من الصحافة إني أتجوزت، أخويا عمرو سعد معرفش، ومفيش مخلوق عرف، حتى هي اتفاجئت، وقلت لها بعد بكرة كتب كتابنا، وفي الآخر خبر الزواج طلع قبله بيوم، ومنعرفش إزاي».