بعد تعرضها للإصابة بمرض السرطان، حرصت الإعلامية أسماء مصطفى على توجيه رسالة لجمهورها، تشكرهم من خلالها على دعمهم ودعواتهم لها في الفترة الماضية، مشيرةً إلى أنها سوف تشاركهم تجربتها مع هذا المرض، حتى تدعم جميع المرضى في محنتهم، ومؤكدةً أن الحياة لن تتوقف، وتستمر بكل ما فيها من فرح أو حزن.

وكتبت أسماء منشورًا، عبر حسابها الشخصي بموقع التواصل الاجتماعي "فيسبوك"، قالت فيه: "صباح الخير عليكم جميعًا، من باب الفضفضة لأن الصفحة بالنسبة ليه هى المتنفس الوحيد، اللي كتير بعبر فيه عن اللى جوايا، لما بكتب بوست والاقي دعوات كتير الحمد لله بفرح أوي، لأن محدش عارف مننا دعوة مين مستجابة أسرع أو مين أقرب، كلنا بنحاول نجتهد وربنا المعين الشافي".

وتابعت: "مش بيكون هدفي من البوست نفسي وبس، لا بقول يمكن كلامي يفيد غيري أو على الأقل يصبر حد، على ابتلائه لما يشوف ابتلاء شخص آخر، الحاجة الثانية أن الصفحة، وده من فضل ربنا عليها الآلاف الناس، معرفش فيهم إلا عدد قليل جدًا، لكن بينا تواصل ومحبة وثقة لوجه الله، مش مجاملات بين أصدقاء أو معارف".

وأضافت: "وأخيرًا أوعدكم قريب جدًا جدًا، أول ما أبدأ مرحلة العلاج الجاية، أني هرجع أطلع لايف، وأحاول أفيد غيري، ما هو طول ما في نفس هنكمل الحياة، وأنا بعمل اللي ربنا أمرني بيه بدعي وباخد بالأسباب، واتوكل على الله".

واختتمت أسماء حديثها قائلة: "وأول حاجة وأهم حاجة لينا جميعًا، هى الرضا بقضاء الله، أي ما كان ولأنه لا راد لقضاء الله، إلا بقدر الله، وشكرًا ليكم إنكم مستحملني ولسه بتدوني أمل، أني على الأقل طول الفترة اللى عدت من حياتي كنت صح، وكسبت حب ومحبة الناس الحمد لله».