كشفت الفنانة وفاء عامر، في تصريحات تلفزيونية لأحد البرامج، حقيقة ما تردد حول طلبها الطلاق ن زوجها المنتج محم فوزي، مؤكدة أنها لن تطلب الطلاق منه مهما فعل، قائلة: "أنا عمري ما هطلب الطلاق، لو عمل إيه، له حاجات كتير أوي تشفعله في قلبي".

وأضافت: "لو خاني هبقى أنا السبب، أكيد أنا هبقى السبب، وأنا الحمد لله جوزي مش خاين، أنا جوزي لأ، محمد لا يمكن يخوني".

وردا على سؤال "أنت شايفة إن لو الراجل خان الست تبقى هي السبب؟"، قالت: "هي الست بتاخد موبايل جوزها وتقعد تفتش ليه؟ ليه يعني؟ ربنا قال (يَا أَيُّهَا الَّذِينَ آمَنُواْ لاَ تَسْأَلُواْ عَنْ أَشْيَاء إِن تُبْدَ لَكُمْ تَسُؤْكُمْ)، وبعدين لما تواجهيه هيقولك إن كان عاجبك".

وأوضحت أن المرأة المطلقة في مصر حالياً لم تعد مظلومة، خاصة في ظل وجود المجلس القومي للمرأة، مؤكدة أنها "واخدة حقها".

وتابعت: "كان عندنا مطبخ في المدرسة وكنت بحب أحضر حصة الطبخ، وبحب الفن أكتر ما بحب نفسي وممكن أمثل من غير فلوس لو حبيت الدور، لازم الممثل يدور على حاجات توصل للناس متكونش شكل بعضها".

وأوضحت: "من الممكن أن تكون هناك فنانة صف أول لكنها لا تمتلك الموهبة، الكاميرا حباهم والناس عايزة تشوفهم، لكن موهبتهم محتاجة تنمية بالثقافة الفنية والتمرينات".

وشددت وفاء عامر، على أنه لا يوجد فنان على الساحة الفنية يرقى لخلافة عادل إمام: "اللي يزعل من كلامي ده يزعل، عادل إمام من الفنانين العظماء ويكفي إنه استحوذ على النجومية طوال تاريخه الفني الممتد لعقود".

كشفت وفاء عن تفاصيل جديدة حول أزمة شقيقتها أيتن مع الفنانة ريهام حجاج، وذلك بسبب مسلسل "كل ما نفترق"؛ الذي شاركتا في بطولته، مؤكدة أنها أسرار تُعلن لأول مرة.

وأضافت: "السر ده كان في أول المشكلة، وأيتن كانت بعتت للمنتج رسالة، وقالتله أنا شايفة إن فلانة، الطرف الآخر، مش حباني فخليني أمشي"، مؤكدة: "الرسالة دي موجودة".

وتابعت: "أيتن كانت فرحانة في الأول أنها هتشارك في المسلسل، واحد من المنتجين الكبار اللي بيجيبوا النجوم ويقعدوهم مع بعض، وأعتقد أيتن مش كومبارس، بل نجمة كبيرة ولها تاريخ وعاملة أدوار مهمة، راح قالي طب أنا هعمل كده، فقولتله إمتى؟، أنا عاوزة أبقى موجودة، فقالي لا لا لا سيبيهم شوية، ولو سامعني دلوقتي عارف إني مش بكدب، إزاي أسيب اتنين زعلانين من بعض، في كواليس فيها مسلسل اتنين بيتقابلوا ويقفوا أمام الكاميرا، طب إزاي".

وأضافت وفاء: "وقلت لأيتن لازم تقعدوا مع بعض، فقالتلي فات الأوان، لأنها ابتدت في الأول تنزل بوست، فنزلت بوست قصاده".

وأوضحت أن مسلسل أيتن كان عمل جماعي: "الفنانة التانية لو عاوزة تتقدمهم مفيش مشكلة لكن مش من حقي أنا كوفاء أقص دورك والنص موجود، هل الضرورة الدرامية مفاجئة؟".