بالفيديو - ناهد السباعي: "الكل أصبحوا فنانين ونقاداً على السوشيال ميديا"

حلّت الفنانة ناهد السباعي ضيفةً على برنامج "تريندز" المذاع على القناة الأولى المصرية، حيث انتقدت استخدام السوشيال ميديا في كتابة التعليقات السلبية والكلام غير اللائق ومضايقة الآخرين.

وقالت ناهد في تصريحاتها: "في ناس معندهاش أي حاجة في حياتها غير تقول كلام وحش لناس، دي ناس تزعلي عليها، والتنمّر بقى زيادة قوي وبقى تريند، كلنا بقينا فنانين ونقاد وإستايليست على السوشيال ميديا".

وأضافت: "في ناس بتحب تتفرج عندي على البغبغانات أو الـPole، أنا لسة في الأول وبتمرن، لكن السوشيال ميديا أصبح عالماً موازياً إحنا اخترعناه، وفي ناس بتقابلني في الشارع، وتقول بنحب نتفرج عليكي وإنتي بتعملي يوغا أو نشوف الـ Pole، ده الحاجة المفيدة الوحيدة في هذا العالم الموازي المريض".

وتابعت متسائلةً: "يوم المطر العظيم نزلت دعاء المطر، ليه أتشتم؟".

وكشفت عن كواليس فيلمها الأخير "ماكو" فقالت إنها لن تكرر تجربة الغطس، التي خاضتها أثناء مشاركتها في بطولة الفيلم بسبب مشاكل صحية.

وأضافت: "بسبب الفيلم اتعلّمنا الغطس، وأنا مليش في الغطس ولا عمري حعمل كده تاني، لأن التصوير تحت المية صعب جداً ومتعب، وداني بتتعب من الضغط والجيوب الأنفية، عندي مشاكل صحية ومش حعمل غطس تاني".

واختتمت بالقول: "أنا صبورة وعندي هواية الصيد، لكن ليه أنزل تحت مع السمك؟ ممكن أتفرج على "ناشيونال جيوغرافيك"، جزء كبير من التصوير كان في البحر، والفيلم كله متصور في الشتا بره مصر، كانت درجة الحرارة تحت الصفر، والتمثيل تحت البحر مختلف".