رسالة مؤثرة من رانيا فريد شوقي: "عندي حالة غضب وحزن"

عبرت النجمة رانيا فريد شوقي عن تفاعلها مع قصة "أم العيال"، إحدى حكايات مسلسل "زي القمر"، الي تشارك في بطولتها مع أحمد وفيق، ومحمود ياسين "جونيور"، رضوى جودة، ضياء الميرغني، من تأليف عمرو الدالي وإخراج شيرين عادل.

وكتبت عبر حسابها الخاص على موقع التواصل الاجتماعي "فيسبوك": "حالياً بصور مسلسل زي القمر حلقات أم العيال بتحكي عن أسرة من الطبقة الكادحة اللي بتعافر مع الدنيا عندهم ٧ عيال والأم بتشتغل في تنضيف البيوت وبنتها الكبيرة كمان اللي مخطوبة ولازم تشتغل عشان تجهز نفسها والابن الكبير بيلقط أكل عيشه وحلمه يسافر بلاد بره عشان مستقبل أفضل من وجهة نظره والاتنين مش متعلمين والأم هي اللي شايلة الشيلة يعني هي الراجل والست أما الاب عاطل ومش بس لا ده بياخد فلوسهم يصرفها على المزاج وبجح يعني حسنة وانا سيدك وطبعا مش هحرق الأحداث بس بجد انا عندي حالة غضب وحزن وتعاطف مشاعر متضاربة بسأل نفسي اسئلة كتير ليه الواحد يعمل كده في نفسه ليه أخلف ٧ عيال وأنا ظروفي المادية صعبة."

وأضافت: "ليه أظلم عيالي واحرمهم من انهم يعيشوا طفولة بريئة وصحية ليه أشيلهم هم من وهما أطفال ليه ماخلهمش يعيشوا حياة طبيعية زي أي طفل في نفس السن والطبقة بس عدد اولادهم ٢ أو ٣ بالكثير جوايا كلام كتير وتساؤلات اكتر لو اعدت اكتبها مش هعرف برضه اعبر ومحدش يقولي ده نصيب أو مكتوب لان ربنا ادانا الاختيار والتفكير بالعقل واختيارك هو اللي بيحدد مصيرك، ربنا يرزق عبيده بالعقل السليم والصحة ونقاء القلوب والرضا."

شارك