في أول تعليق له بعد قرار نقيب المهن الموسيقية الفنان هاني شاكر، بإيقافه عن الغناء نهائياً وسحب ترخيص غنائه، أكد مطرب المهرجانات حسن شاكوش أنه يحترم هذا القرار رغم أنه لم يصله بعد أي بيان رسمي بذلك.

وقال شاكوش في مداخلة هاتفية لبرنامج "الحكاية" مع الإعلامي عمرو أديب مساء أمس الاثنين: "لغاية آخر لحظة أحترم قرار النقابة، أنا مشوفتش القرار، الناس اللي قالولي، والشغلانة دي هي أكل عيشي، هو قال بناقص حسن شاكوش؟ أستاذ هاني شاكر يقول اللي هو عايزه".

وأضاف: "أنا دلوقتي أقدر اشتغل برا مصر بس، دي أول غلطة ليا، حاولت اتصل بكذا حد في النقابة عشان نحل... أنا مينفعش أبقى بشتغل برا مصر ومش عارف اشتغل في بلدي".

وأردف قائلاً: "دلوقتي بسجل أغاني أنزلها الفترة الجاية، بس الواحد ملوش نفس، أنا اتصالحت مع رضا هو أخويا ومفيش أي مشاكل بينّا".

وكان النجم هاني شاكر قد أعلن في تصريحات لبرنامج "ET بالعربي" عن إيقاف شاكوش عن الغناء وسحب ترخيصه نهائياً وبدون رجعة على خلفية تقديمه أغنية إباحية أمام الجمهور ردّ بها على زميله رضا البحراوي.