تعليق منة عرفة بعد عودتها لزوجها إثر طلاق دام 48 ساعة!

بعد أن أكدت والدة الفنانة الشابة منة عرفة، انتهاء خلاف ابنتها مع زوجها محمود المهدي، عقب إعلان الأخير خبر انفصالهما للجمهور، كتبت منة منشوراً عبر حسابها في موقع التواصل الاجتماعي "إنستغرام" جاء فيه: "من أصعب اللحظات اللي ممكن تعدّي على أي ست لحظة الانفصال وخراب البيت، الطلاق يهتز له عرش الرحمن، لكن انتوا يمكن عشان بتسمعوا عن بيوت بتتخرب كل دقيقة فبقى أبغض الحلال عند الله بالنسبة لكوا نكتة أو حاجة تتمسخروا عليها".

وأضافت: "رهان بتعملوه مع بعض على إننا مش هنكمل! أو مادة خام للشماتة فينا، خراب البيت عمره ما كان حاجة سهلة على الست أو على الرجل أو على أهالينا، في عز ضعفي وحزني وكسرتي اللى ربنا ما يكتبها على أي ست مرحمتونيش ولا قدّرتوا إني في موقف لا أحسد عليه وشمتانين فينا!! قد إيه أنتوا ناس متعرفوش ربنا ولا في قلوبكم رحمة، أتمنوا الخير لبعض يا جماعة بلاش نشمت في بعض".

وأردفت قائلةً: "لكن دي غلطتي أنا إني شاركتكوا حياتي الشخصية، الإنسان بيغلط عشان يتعلم وأنا اتعلّمت، ربنا يعينكوا على نفسيتكوا الجحيم دي، وعسى أن تكرهوا شيئاً وهو خير لكم، يمكن الخلاف اللى حصل كشف لنا ناس كتير حوالينا كانوا بيمثلوا إنهم فرحانين لينا بس الحقيقي إنهم كانوا مستنّين أول مشكلة عشان يشمتوا في كسرتي وخراب بيتي".

واختتمت منة عرفة منشورها بالقول: "بس والله ربنا مش هينولهلكو وربنا يخليلي أهلي وزوجي والناس اللي بتتمنالي الخير ووقفت جمبي".