بالفيديو - تصريحات جريئة لسمية الخشاب عن حياتها الشخصية وعلاقتها بوالدتها

حلّت الفنانة سمية الخشاب ضيفةً على برنامج “بصراحة” مع الفنان ماجد المصري على قناة MBC 1، حيث أثارت الجدل بتصريحاتها الجريئة حول نشأتها وأمورها الشخصية... إذ قالت: "أنا ملبن مصر معشتش فترة مراهقتي، أنا عاوزة أعيشها، مامتي كانت بتخاف عليا أوي في سنّ المراهقة، ولدرجة أنها خايفة عليا كانت بتحبسني".

وأضافت:" أمي كانت منعاني أبات عند خالي عشان عنده ولاد وممنوع أبات عند عمّي عشان عنده ولاد، شوف أد إيه الخوف، بعد الساعة كذا مينفعش أتأخر، ولو صاحبتي عندي مينفعش أقفل الباب علينا... فهمت لما كبرت إن أمي عندها حق وأنها تخاف عليا ومزعلش إني معشتش سنّ المراهقة".

واستطردت قائلةً: "ليست نهاية العالم أن تكون المرأة مطلّقة، ومش عارفة ليه دايماً الست بتتهاجم، وأنا برمجت دماغي إن ربنا خلقني مش ناقصة حد يكملّني، وأنا مش محتاجة راجل في حياتي، لكن لو لقيت الشخص اللي يناسبني معنديش مشكلة".

واختتمت سمية الخشاب حديثها بالقول: "الست تقدر تكون أو لا تكون من غير الراجل، وأنا مش في حرب ضد الراجل، بس أنا ضد المثل اللي بيقول ضل راجل ولا ضل حيطة، لأن ساعات بيكون ضل الحيطة أحسن من الراجل، لو هو مش سند".