بالفيديو - زوج ابنة الراحلة سهير البابلي يكشف عن وصيتها الأخيرة

بعد إعلان وفاة النجمة سهير البابلي مساء الأحد، كشف زوج ابنتها الدكتور رضا طعيمة عن الكلمات الأخيرة التي قالتها خلال تواجدها في المستشفى قبل وفاتها.

وقال في مداخلة هاتفية مع الإعلامية بسمة وهبة في برنامج "90 دقيقة": "هي كانت دايماً توصينا وتقول خلّوا بالكم من مصر وحافظوا على بلدكم، حافظوا على بعض وحبّوا بعض وترابطوا. آخر كلام قالته لي خليك واقف جنب أخوك عبد الفتاح السيسي، خليك دراعه اليمين، الراجل ده راجل شريف، أقف جنبه يا ضنايا ووصي تلاميذك ومحبيك يكونوا جنب هذا الرجل الشامخ".

وفي وصيتها الأخيرة دعت "الى الاهتمام بالأيتام اللي كانت بتهتم بيهم، والاهتمام بالناس اللي كانت بتساعدهم، ودايماً كلمتها الشهيرة لبنتها يا نفين حافظي على مجلس القرآن بتاعك".

وأضاف: "هي كانت تصحا الصبح تقرأ جزأها من القرآن وتعمل أذكار الصباح، وبعد كده تقعد تدعي لفلاحين مصر وقضاتها وجيشها وصنايعيتها، وبعد كده الأمة العربية، وبعد كده تقعد تدعي للرئيس عبد الفتاح السيسي، وتقول أنا من بعد أمه ما ماتت حاسة إن أنا ملتزمة بالموضوع ده، لازم أدعي له كل يوم الصبح".

شارك