سمية الخشاب تثير الجدل: "مفيش راجل بقى راجل"

فتحت الفنانة سمية الخشاب باب الحوار مع جمهورها على حسابها الخاص بـ"تويتر" في فقرتها الأسبوعية "اسألني" والتي تتلقى فيها أسئلة الجمهور وتجيب عنها.

وأجابت سمية على عدة أسئلة كانت إجابتها مثار جدل على تويتر، حيث سألها أحد المتابعين قائلاً: "جبتي كام في الفانتازي الأسبوع ده يا كوين"، لترد عليه ساخرة: "جبت جاز".

ثم سألها متابع آخر قائلاً: "سمية شلون اعترف للي أحبها كل ما حاولت أحس إني أتراجع لا إرادياً والبنت على وشك إنها تروح مني"، وردت عليه بقولها: "متعترفش هي لو عايزاك كانت هتلمحلك مادام علي وشك انها تروح منك يبقي مش عايزاك"، ثم سألها آخر قائلاً: "لو عندك مذاكرة وجايبة آخرك هتعمليييي إيييه"، وكانت إجابتها ساخرة حيث قالت: "هشغل أغنية بحبها وأديها رقص".

ثم أثارت سمية الخشاب الجدل بين متابعيا بعدما ردت على سؤال أحد المتابعين قال: "ليه مفيش صاحب بيتصاحب يا سُمية؟"، ليأتي ردها صادماً بقولها: "عشان مفيش راجل بقي راجل"، ليرد عليها عدد كبير من المتابعين الرجال بردود غاضبة من إجابتها للسؤال.

وسألتها إحدى المتابعات قائلة: "سوسو لو حد إحنا اديناه أكبر من حجمه وبدأ يشوف نفسه نعمل معاه إيه؟!"، لترد عليها سمية الخشاب بقولها: "ترجعيه لحجمه الطبيعي بإنك تخليه ولا حاجة بالنسبة ليكي، هيحس بفرق لو كنتي فارقة معاه".