سارة نخلة تهاجم سمية الألفي ثم تحذف منشورها

القاهرة - "لها" 05 ديسمبر 2021

شنت الفنانة سارة نخلة، هجومًا حادًا على الفنانة سمية الألفي، وذلك بعد حديثها التلفزيوني الأخير في برنامج "السيرة" الذي تقدمه الإعلامية وفاء الكيلاني، والذي تضمن تفاصيل وأسرار من حياتها مع الفنان فاروق الفيشاوي.

وكتبت سارة نخلة، عبر حسابها الشخصي على "فيسبوك"، قائلة: "تخيلي إن أنتي تشتغلي سنين طويلة وبعد ما تكبري يجيبوكي في البرامج ونفس الأسئلة كل شوية بس عشان تتكلمي عن نزوات جوزك المرحوم وعلاقاته المتعددة، وإزاي أنتي كل مرة بتسامحيه عادي جدًا عشان أنتي مش بتحبي الفشل أبدًا".

وأضافت: "الله الله حقيقي كل حلقة أجمد من اللي قبليها مع إنها نفس الأسئلة ونفس الأجوبة ونفس الفضايح بس المرة دي بتجيبي سيرة زميلاتك مع المرحوم.. بجد شابوه"، متابعة: "طب الراجل مات وشبع موت الله يرحمه.. ذنبهم إيه طب زميلاتك دول اللي بتجيبي في سيرتهم ذنبهم إيه؟".

وتابعت سارة نخلة: "ترجعوا تقولوا الرجالة خاينة.. ما طول ما في النماذج دي من الستات أكيد حقه يخون.. اللي يلاقي دلع وما يدلعش يبقى إيه؟.. عيب أوي اللي بيحصل ده".

إلا أن سارة حذفت منشورها بعد دقائق من نشره دون أن تبدي أسباباً لذلك.


وكانت الفنانة سمية الألفي، قد أكدت في لقاء تلفزيوني، أنها لا تتذكر أول مرة خانها فيها زوجها السابق الفنان الراحل فاروق الفيشاوي، مؤكدة أن علاقة صداقة قوية كانت تربطهما معنا، مضيفة، "كنا أصحاب جدا واحنا قعدنا طول عمرنا أصحاب ولأني كنت صغيرة وبخاف أقعد لوحدي فكنا قريبين من بعض وكنا بنحب بعض قوي مش بجنون لكن حب ناعم ورقيق وده اللي ربطني بيه قوي".

وأضافت سمية الألفي، أنها لم تتذكر أول مرة خانها فيها "من كتر ما كان ضعيف قدام الستات مش فاكرة" مشيرة إلى أنه اعترف لها بخيانته بعد زواجهما بسنة واحدة "بعد سنة زواج هو جه قالي وأنا معرفتش من حد غيره روحنا خرجنا وعزمني على العشاء، وحكى لي وأنا عيطت وقولت له إزاي تعمل كده وقالي أنا ضعفت في اللحظة دي وبطلب إنك تسامحيني وسامحته لأني مقدرش أتحمل الفشل وجوازي من فاروق كان قراري ومينفعش بعد سنة أقول الجوازة باظت".