بالفيديو - رامي صبري يخرج عن صمته: "الوفاة غير طبيعية"

في مقابلة مع برنامج "ET بالعربي"، كشف الفنان رامي صبري أسباب طعن عائلته بالتقرير الطبي الخاص بوفاة شقيقه كريم... فقال: "إحنا كعائلة جالنا تقرير طبي مكانش عاجبنا، والمحامين في العيلة قدّموا طعن عليه، ده حقه لإنه راح لسبب وفجأة توفي ثاني يوم، مكناش فاهمين سبب وفاته. كنا عايزين نفهم قانونياً مات ليه".

وأضاف: "لما كنا بنودّعه الوداع الأخير شفنا ابننا في حالة فيها مشاكل. ولما التقرير جالنا بعدها بأربع شهور كان فيه تقصير شويتين، حسّينا إن أربع شهور في حاجة مش مظبوطة، ولقينا تقرير ورقتين، وفيها تفاصيل حسينا إنها مش لايقة على اللي شوفناه".

واختتم رامي صبري بالقول: "وفاته مكانتش طبيعية، الوفاة فيها مشاكل، عايزين نتأكد الوفاة والمشاكل هل حصلت بسبب ناس ولا بسبب أحداث، ممكن تبقى أحداث خلّته يتوفى".

يُذكر أن كريم صبري، شقيق الفنان رامي صبري توفي الأحد 11 تموز (يوليو) الماضي، إثر غرقه فى ترعة المريوطية.