بالفيديو - هذا ما قاله ماجد الكدواني عن صداقته بكريم عبد العزيز

تحدث النجم ماجد الكدواني عن علاقة الصداقة التي تربط بينه وبين النجم كريم عبد العزيز والصداقة، معبراً عن سعادته لأن يكونا مثال عن الصداقة الحقيقية.

وقال الكدواني أثناء حواره في برنامج "الحكاية" مع الإعلامي عمرو أديب: "التعامل مع كريم بحساب فلازم تسيب نفسك معاه هيحبك من قلبه وبيشتغل من قلبه حتى في الحياة، بني ادم لو مصدقش يبان على وجهه".

وأضاف: "كريم عشرة العمر ومتفقين في حاجات كتير حابين المهنة من نفس الزاوية وعارفين أنها حاجة مقدسة ودايما بيقولي يا ماجد الاستاذ محمد عبد العزيز ربنا يديله الصحة ليه جمله حلوة بيقول احنا استلمناها كدة وهنسلمها كدة فكريم بيحترم اعراف المهنة وعنده نفس فكرة التدقيق".

وتابع "المهنة ليها أعراف وكريم بيحترمها وبعد تكريم كريم اللي يستحقه ويستحق اضعافه قالي أنا فرحان أننا بقينا مضرب مثل للصداقة الحقيقية وكنت بقوله هو غريبة ان صديق يفرح لصديقه أنا كنت فرحان اكني أنا اللي باخد الجايزة"