بعد طرد الضيوف من حفل زفافها... طليقة ماجد المصري تبرر تصرف ابنتها

أثارت ماهي نجلة الفنان ماجد المصري الجدل بعدما تداول نشطاء على مواقع التواصل الاجتماعي أخباراً عن طردها لبعض الحاضرين في حفل زفافها، الأمر الذي لاقى استهجاناً حاداً من قبل محبي والدها.

وفي محاولة لتوضيح الأمر كشفت والدتها منى إش إش، طليقة الفنان ماجد المصري، عن تفاصيل ما حدث في حفل زفاف ابنتها، حيث أكدت أن ابنتها لم تطرد أحداً وإنما طالبت غير المدعوين بالخروج من قاعة الفرح، قائلة: "ولادي متربين على الأصول وعارفين يعني إيه يحبوا الناس ويحترموهم ويقدروهم، وجدعان ومحترمين للصغير قبل الكبير".

وأضافت "إش إش"، خلال تصريحات صحافية: "الفرح كان جميل بس طلعت حاجة نكدت على الواحد، أنا حزينة من الناس اللي بتعلق ومش فاهمة أي حاجة، بيتكلموا في أي حاجة ملهاش لازم".

وتابعت: "الفرح عامل زي بيت الشخص فيه خصوصية، بس لقينا فيه ناس كتيرة إحنا منعرفهاش، مش معازيم نعرفهم، لقينا ناس موجودة غريبة الشكل، كانت ممكن تحصل مصيبة فيه ناس دخلت ومنعرفش جنسياتهم أو هيعملوا إيه، ممكن يحصل تحرش أو حصل الله أعلم، والناس بقت فوق بعض".

وأوضحت أنها صعدت على المسرح وطلبت من الحضور الرجوع إلى الخلف، "شوفت ناس كتير مش تبعنا، وقولتلهم يا جماعة وسعوا المكان وأرجعوا ورا ومطردتش حد، وزوج بنتي قالهم بردو الكلام ده، قالهم ارجعوا لورا، وبعدين البنت انفعلت بس مقالتش اطلعوا برا".