بالفيديو - زوجة أحمد السقا تفجّر مفاجأة: تطلّقت مرتين

فجّرت الإعلامية مها الصغير، زوجة الفنان أحمد السقا، خلال لقائها في برنامج CutheCrap على "يوتيوب" مفاجأة صادمة للجمهور حول حقيقة طلاقها من الفنان أحمد السقا خلال فترة زواجهما.

وقالت: "تطلّقت من زوجي أحمد السقا مرتين بسبب الخلافات... انفصلنا ورجعنا وانفصلنا ورجعنا... دي ناس كتيرة مش عارفاها، وبحس إني لما بقولها للناس، كأني بقول حاجة غلط". وأضافت: "فيه ناس بتبقى في مراحل إن أنتوا تنفصلوا، ده أسلم حل لينا ولعيالنا، إن كل واحد يمشي بحاله".

واستطردت مها بالقول: "اتجوزت وأنا عندي 20 سنة وكنت صغيرة واطلّقنا ورجعنا مكنتش قادرة أستحمل الخلافات وكنت بسعى دايماً لإرضاء الطرف الآخر لكن مبرضيش نفسي... أنا أبويا وأمي كانوا دايماً بيدعموني في حياتي وفي حرية وإن البنت زي الولد، جيت اتجوزت بقى معرفش ليه الراجل بيتحول بعد الجواز لسي السيد فتتصـدمي بقى بالواقـع، أنا عندي طموح زي ما أنت عندك، وعندي أحلام إني اشتغل زي ما أنت عندك، ويمكن يكون ده حصل لأننا اتجوزنا صغيرين أوي".

وعن أسباب أول طلاق بينهما، قالت: "كان بسبب مشاكل كتير أوي أوي، فعملت وقفة لأني كنت بسعى لإرضاء الآخر دايماً، وفي الآخر محدّش بيرضى وبيدوسوا عليكي أكتر، وده كان بعد ما خلّفت أولادي التلاتة، ووقتها حصلت خلافات بيني وبين أبويا مع إنه كان هو اللي بيدعمني في البداية، لكن أنا اتطلّقت لأني كنت فعلا بعاني".

وكان أحمد السقا قد تزوج من مها الصغير عام 1999 بعد قصة حب، وذلك على الرغم مما تردّد حينها عن وجود مشاعر بينه وبين منى زكي، لكنه فاجأ جمهوره بزواجه من مها والتي أنجبت له ياسين وحمزة ونادية، علماً أن مها ارتدت الحجاب لفترة ثم خلعته. ويعيش الثنائي منذ عشر سنوات حياة زوجية هادئة بعيداً من المشاكل والشائعات.