تامر حسني يكشف بفيديو مؤثر عن حلم طفولته

عبّر النجم تامر حسني من خلال مقطع فيديو نشره على تطبيق انستغرام عن امتنانه للنجاح الذي حققه، كاشفاً عن مشهد يعيشه الآن كان في السابق حلم طفولته.

ويظهر في المقطع العفوي النجم المصري وهو يسير بين عشرات الأيادي الممتدة نحوه من محبيه للمسه والسلام عليه، معبراً عن تمتعه باللحظات اللطيفة مع جمهوره وهو يحييهم ويمر بينهم وكتب تعليقاً قال فيه: "المشهد دا كان اكتر مشهد بحلم بيه من وانا صغير تقريباً كنت بشوفه كل شهر بأشكال مختلفه وكنت بسأل نفسي طب يارب انا هتشهر بالشكل دا والناس هتحبني كدا في اي مجال عشان ساعتها كنت بلعب كرة بس كان عندي اصابات كتير بدري على سني ومشاكل مع بعض المدربين اللي مقتنع بيا واللي مش مقتنع بيا فا بيخليني احتياطي موسم كامل ودا شيء محبط لإني كنت مصنف لاعب مهاراتي كويسة".

وأضاف: "الموضوع دا اتكرر معايا في الزمالك والأهلي والإتنين استغنوا عن خدماتي، يعني زي ما تقولوا كدا في ظروف كانت بتتجمع عشان افهم ان الكره مش مستقبلي رغم تعلقي بها الجنوني بس اتاري ربنا كان كاتبلي مستقبل تاني و افضل ليا بس عرفت دا لما دورت جوه نفسي بجد بمساعدة اول معجب ليا اول fan في حياتي و الوحيد اللي كان مصدقني وهي امي".

وتابع تعليقه: "يعني مهم اوي انك تدور جوه نفسك عشان لازم هتلاقي ربنا مخلقكش فاضي واتمنى من الأهل انهم يركزوا مع ولادهم في اصغر سن ليهم ويفضلوا دايماً يكلموهم عن الحلم والطموح والنجاح.. بكتب الكلام دا وواثق مليون في الميه ان فيكم حد محتاج يسمعه وكان مستنيه. الإشاره جت اهي مالكش او ملكيش حجة".

تفاعل الجمهور بشكل واسع مع كلمات حسني النابعة من القلب وتجاربه في الحياة الصعبة وإصراره دائماً على منح الشبان الأمل والايجابية للبحث عن أحلامهم وطموحاتهم والوصول إليها وتحقيقها.

مقالات ذات صلة

تامر حسني يشارك أسماء جلال الغناء بعد تعافيه من أزمته الصحية (فيديو)

الشامي يهاجم منتقديه والمشكّكين بنجاحه

تامر حسني مشاهير الفن نجوم مصر