فنان شاب يكشف سراً عن تامر حسني: "لن أنسى موقفه هذا ما حييت"

كشف الفنان وائل الفشني خلال تصريحات صحافية عن موقف جمعه بالفنان تامر حسني، سانده فيه، مشيراً إلى أنه يحب تامر حسني ويسمع أغانيه دائماً، بالقول: "هو ورامي صبري وحماقي"، ومؤكداً أن "رامي هو عِشرة عمره".

واستكمل الفشني قائلاً: "رامي صبري صوت من الأصوات اللي أنا بعشقها هو وحماقي ومن أكتر الأغاني اللي بحبّها لحماقي أغنية "مابلاش"، وأنا الناس بتحب صوتي وبتحب الشجن اللي في صوتي عشان اتعودت عليه".

وذكر الفشني موقفاً خاصاً حصل بينه وبين تامر قائلاً: "قابلته مرة زمان في ستوديو بالشيراتون، كنا واقفين نشرب سجاير وهو بيتضايق جداً منها، فدخل زعّق لصحابه، وأنا اتكسفت لأني معرفوش فخرجت برا، وهو ساب كل حاجة وجاء يصالحني ورضاني". وأضاف: "هو محترم جداً وأنا مش هنساله الموقف دا، لأني لمست فيه إنه إنسان جداً ونقي وحبيته في الله جدًا".

وكشف وائل الفشني أن أغنية تامر حسني التي تحمل عنوان "كل مرة"، والتي غنّاها الأخير في فيلم "سيد العاطفي"، كان يشاركه العزف فيها، مؤكداً: "تامر راجل محترم جداً وبيساعد خلق ربنا وأنا بشكره على وقفته مع الناس دي وبقوله ربنا يكرمك ويزيدك ويقدّرك على فعل الخير أكتر وأكتر".