ابنة الراحل بسام الملا تروي تفاصيل لقائهما الأخير بصور مؤثرة

24 كانون الثاني 2022

شمس بسام الملا

تواصل الفنانة شمس، ابنة المخرج السوري بسام الملا التعبير عن حزنها الشديد لرحيله، السبت الماضي، وتحرص على مشاركة متابعيها بصور خاصة تجمعها به.

ونشرت الشابة السورية مجموعة صور تجمعها بوالدها خلال فترة طفولتها، والتي تُظهر حنانه واهتمامه الكبير بها، وعلّقت عليها قائلة: "يا أول وآخر عشق بالروح، يا حبي الأبدي عم بسأل حالي يا ترى كنت بتعرف أديش بحبك قبل ما تروح؟".

وأضافت: "كنت بتعرف إني موجوعة على وجعك وما بيمرق نهار عليّ بدون ما أدعي الله إنه ياخد من عمري ويعطيك، وياخد من صحتي ويعطيك، بتتذكر لما آخر مرة شوفتك كم مرة قلتلك بحبك؟ كم مرة بوست إيديك؟ كأنه كنت حاسة هي آخر مرة بشوفك فيها".

وتابعت شمس قائلةً: "بس اليوم حاسة إنه ما بيكفي، إنه ما شبعت، إنه لو قد ما قلتلي حلي عني ما بدي حل عنك، طيب كيف برجع بالزمن لورا هلأ كيف؟ ما في شي عم يبرّد قلبي يا بابا، خسارتي كبيرة كتير وما بتتعوض، رحت وتركت مكانك فراغ ما حدا بالعالم بيملي".

وكانت نقابة الفنانين السوريين قد أعلنت السبت الماضي وفاة المخرج السوري بسام الملا، عن عمر ناهز 65 عاماً، تاركاً وراءه مجموعة كبيرة من الأعمال الفنية المميزة التي ستبقى أيقونة في الدراما السورية، ومن بينها: مسلسلات "باب الحارة"، "الخوالي"، "أيام الشامية" وغيرها.